୧୨ବର୍ଷର ଝିଅର ଜିଲ୍ଲା ପ୍ରଶାସନକୁ ଆକୁଳ ନିବେଦନ: ସୁନ୍ଦରଗଡ଼ରେ ବନ୍ଦ ହେଉ ମଦ; ଜିଲ୍ଲାପାଳଙ୍କୁ ଭେଟି ଦେଲେ କହିଲେ, ମଦ ପିଇ ମୋ ବାପା ମଲେ, ମଦଭାଟି ବନ୍ଦ କରନ୍ତୁ ସାର୍
କନକ ବ୍ୟୁରୋ: ହାତରେ ଦାବି ପତ୍ର ଧରି ଜିଲ୍ଲାପାଳଙ୍କ ଅଫିସରେ ପହଂଚିଥିବା ଏହି କୁନି ଝିଅର କଥା ଶୁଣିଲେ ପଥର ଛାତି ବି ତରଳି ଉଠିବ । ଝିଅଟି କହୁଛି ମଦ ମତେ ଅନାଥ କରିଛି । ମଦ ପିଇ ପିଇ ବାପାଙ୍କ ମୃତ୍ୟୁ ହେଲା । ବାପାଙ୍କୁ ଝୁରି ଝୁରି ମାବି ମଶାଣିକୁ ଚାଲିଗଲା । ଏବେ ମୁଁ ଏକୁଟିଆ ଏବଂ ସମ୍ପୁର୍ଣ୍ଣ ଅସହାୟ । ତେଣୁ ମତେ ବାପାମା’ ଛେଉଣ୍ଡ କରି ଦାଣ୍ଡରେ ଛାଡ଼ି ଦେଇଥିବା ମଦଭାଟିକୁ ତୁରନ୍ତ ବନ୍ଦ କରାଯାଉ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଆକୁଳ ନିବେଦନ ସହିତ ରାଣୀବଗିଚାର ଏହି ୧୨ ବର୍ଷର ଝିଅ ବର୍ଷ ପ୍ରିୟଦର୍ଶନି ସୋରେଙ୍ଗ ସୁନ୍ଦରଗଡ଼ ଜିଲ୍ଲାପାଳଙ୍କୁ ଭେଟିଛନ୍ତି । ପୂର୍ବରୁ ମଦ ବିରୋଧୀ ମହିଳା ସଂଘ ଜିଲ୍ଲାରେ ମଦଭାଟି ବନ୍ଦ କରିବା ପାଇଁ ଆନ୍ଦୋଳନକୁ ଓଲାଇଥିଲା । ଏବେ ମଦ ବନ୍ଦ କରିବା ପାଇଁ କୁନି ଝିଅଟିଏ ଜିଲ୍ଲାପାଳଙ୍କୁ ଭେଟି ଗୁହାଳି କରିବା ସାରା ରାଜ୍ୟରେ ଆଲୋଡ଼ନ ସୃଷ୍ଟି କରିଛି ।