ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରୁ ଶିଶୁ ଚୋରି ଘଟଣା: ଗିରଫ ହେଲେ ବାପା-ଆଈ
କନକ ବ୍ୟୁରୋ: ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରୁ ନବଜାତ ଶିଶୁ ଚୋରି ଘଟଣା । ଶିଶୁ କନ୍ୟାର ବାପା ଆଈକୁ ଗିରଫ କଲା ପୋଲିସ । ଗତ ଶନିବାର ଶିଶୁକନ୍ୟାକୁ ଚୋରି ନେଇ ଅଭିଯୋଗ ହୋଇଥିଲା । ସିସିଟିଭି ଆଧାରରେ ତଦନ୍ତ ଚଳାଇଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରୁ ଏକ ନବଜାତ ଶିଶୁ କନ୍ୟା ଶନିବାର ଚୋରିହେବା ଘଟଣା ଅଂଚଳରେ ଚର୍ଚ୍ଚା ବିଷୟ ହୋଇଥିଲା । ରବିବାର ଦିନ ସହର ଠାରୁ ୧୨ କିମି ଦୂର ଅର୍ଜୁନପୁର ଠାରୁ କନ୍ୟାଟି ଉଦ୍ଧାର ହୋଇଥିଲା । ଶିଶୁଟିକୁ ଏକ ଲୁଗାରେ ଘୋଡ଼ାଇ ସେଠାରେ ପକାଇ ଦିଆଯାଇଥିଲା । ଶିଶୁଟି ସୁସ୍ଥ ଥିବା ବେଳେ ତାକୁ ଏସଏନସିୟୁରେ ରଖାଯାଇଥିଲା । ଏହି ଘଟଣାରେ ପୋଲିସ ଶିଶୁଟିର ବାପା ଗଜେନ୍ଦ୍ର ତାଣ୍ଡିଆ ଏବଂ ଆଇ ପାନ୍ତି ଜାଲଙ୍କୁ ଅଟକ ରଖି ପଚରା ଉଚରା କରାଯାଇଥିଲା ।
ତେବେ ବିରମହାରାଜପୁର ବ୍ଲକ ଷଣ୍ଢା ଗାଁର ଗଜେନ୍ଦ୍ର ତାଣ୍ଡିଆଙ୍କ ପତ୍ନୀ ସନ୍ତୋଷିନୀ ସୁବଣ୍ଣପୁର ଜିଲ୍ଳା ମୁଖ୍ୟ ଚିକିତ୍ସାଳୟରେ ଶୁକ୍ରବାର ଏକ ଶିଶୁକନ୍ୟାକୁ ଜନ୍ମ ଦେଇଥିଲେ । ପ୍ରସୂତି ଓ ସ୍ତ୍ରୀ ରୋଗ ବିଭାଗରେ ଭର୍ତ୍ତି ହୋଇ ଚିକିତ୍ସିତ ହେଉଥିଲେ । ଶନିବାର ସକାଳେ ଜଣେ ମହିଳା ଶିଶୁଟିକୁ ଟିକା ଦେବା ବାହାନାରେ ନବଜାତ ଶିଶୁ କନ୍ୟାକୁ ଚୋରି କରିନେଇଥିବା ଅଭିଯୋଗ ହୋଇଥିଲା । ଏହି ଘଟଣାରେ ପୋଲିସ ଏକ ମାମଲା ରୁଜୁ କରି ସିସିଟିଭି ଫୁଟେଜ ଆଧାରରେ ତଦନ୍ତ ଆରମ୍ଭ ହୋଇଥିଲା ।