ଫାରୁକ ଅବଦୁଲ୍ଲାଙ୍କୁ ଜେରା। ପ୍ରବର୍ତ୍ତନ ନିର୍ଦ୍ଦେଶାଳୟ ୩ ଘଣ୍ଟା ଜେରା କରିଛି ।

କନକ ବ୍ୟୁରୋ: ଜାମ୍ମୁକଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ତଥା ନ୍ୟାଶନାଲ କନଫେରେନ୍ସ ନେତା ଫାରୁକ ଅବଦୁଲାଙ୍କୁ ଜେରା । ବିସିସିଆଇ ଫଣ୍ଡ ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଆଜି ଫାରୁକଙ୍କୁ ୩ଘଣ୍ଟା ଧରି ଜେରା କରିଛି । ମାମଲାରେ ଫାରୁକଙ୍କୁ ପୂର୍ବରୁ ୩ଥର ଜେରା କରିସାରିଛି ଇଡି । ୨୦୦୨ ରୁ ୨୦୧୨ ମସିହାରେ ଜାମ୍ମୁକଶ୍ମୀର କ୍ରିକେଟ ଆସୋସିଏସନରେ ଏକ ବଡଧରଣର ଅର୍ଥ ହେରଫେର ଅଭିଯୋଗ ହୋଇଥିଲା ।

ରାଜ୍ୟର କ୍ରିକେଟ ଆସୋସିଏସନ ଉନ୍ନତି ପାଇଁ ବିସିସିଆଇ ପକ୍ଷରୁ ୧୧୩ କୋଟି ମୋଟା ଅଙ୍କର ଅର୍ଥ ରାଶି ଦିଆଯାଇଥିଲେ ବି ଏଥିରୁ କେବଳ ୪୩କୋଟି କାର୍ଯ୍ୟରେ ଲଗାଯାଇଥିଲା ଓ ବାକି ଅର୍ଥ ବାଟବଣା ହୋଇଥିଲା । ବଡଅଭିଯାଗ ଆସିବା ପରେ ସିବିଆଇ ତଦନ୍ତ ଭାର ନିଜ ହାତକୁ ନେଇଥିଲା । ଏହି ମାମଲାରେ ଆଜି ପୁଣି ଥରେ ଫାରୁକଙ୍କୁ ଜେରା କରାଯାଇଛି । ସିବିଆଇ ଦ୍ୱାରା ଦର୍ଜ ଏଫଆଇଆର ଆଧାରରେ ମାମଲା ରୁଜୁ କରିଛି ଇଡି ।