ହାତୀ ଦାଉରୁ ଫସଲକୁ ସୁରକ୍ଷା ଦେବାକୁ ମଂଚରେ ରାତି କାଟୁଛି ଚାଷୀ। ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଅଞ୍ଚଳରେ ହାତୀ ଉପଦ୍ରବ।
କନକ ବ୍ୟୁରୋ: ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଅଂଚଳରେ ହାତୀ ଉପଦ୍ରବ । କ୍ଷେତରେ ବର୍ଷ ତମାମ ପରିଶ୍ରମ କରି ଚାଷୀ ଫଳାଇଥିବା ସୁନାର ଫସଲକୁ ହାତୀ ଦଳି ନଷ୍ଟ କରୁଛି । ହାତୀ ଦାଉରୁ ଫସଲକୁ ସୁରକ୍ଷା ଦେବାକୁ ମଞ୍ଚରେ ରାତି କାଟୁଛି ଚାଷୀ । କିଏ ମଞ୍ଚା ଉପରେ ବସି ନିଜ କ୍ଷେତକୁ ଚାହିଁ ବସିଛି । ଅନ୍ୟ କିଏ ନିଆଁ ହୁଳା ଧରି ବନ୍ୟଜନ୍ତୁଙ୍କୁ ଘଉଡ଼ାଉଛି । ତାରସିଙ୍ଗି ପଞ୍ଚାୟତରେ ସଂଜ ନଇଁବା ପରେ ୩୫ ଟିକିଆ ହାତୀ ପଲ୍ଲ ଜଙ୍ଗଲରୁ ବାହାରି ଚାଷ ଜମି ମୁହାଁ ହେଉଛନ୍ତି । ଜମିରେ ପଶି ଧାନ, ପରିବା ଖାଇବା ସହିତ ଅଧିକାଂଶ ଫସଲ ପାଦରେ ଦଳି ନଷ୍ଟ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋକଳବା,ତାରସିଙ୍ଗି,ଗରୁଡ଼ପଥର,ଲେମ୍ଭେଇ,ଗାଡ଼ିଆପଡ଼ା,ଗେରେଡ଼ା,ବାରଦା, ଦିନିଛକିଆ ଅଂଚଳରେ ହାତୀ ଫସଲରେ ପଶି ବ୍ୟାପକ ଫସଲ ନଷ୍ଟ କରୁଛି । ବାଧ୍ୟ ହୋଇ ଚାଷି ଉଜାଗର ରହି ନିଜ ଚାଷ ଜମିକୁ ଜଗି ବସିଛି । ଫସଲ ନଷ୍ଟ ହେଲେ ବନବିଭାଗ ପକ୍ଷରୁ କ୍ଷତିପୁରଣ ମଧ୍ୟ ଚାଷୀକୁ ମିଳୁନଥିବା ଅଭିଯୋଗ ହୋଇଛି ।