ପାଞ୍ଚ ଟଙ୍କାରେ କିଲେ ପରିବା : ଗୁଜୁରାଟର ରାଜକୋଟରେ କମିଲା ପରିବା ଦାମ୍ , ୨ ଟଙ୍କାରେ ବିକ୍ରି ହେଲା ଫୁଲକୋବି ଏବଂ ବନ୍ଧାକୋବି ।
ସାରା ଦେଶରେ ଯେଉଁଠି ପନିପରିବାର ଦରଦାମ୍ ଆକାଶଛୁଆଁ ହୋଇଛି । ଗୁଜୁରାଟର ରାଜକୋଟରେ ପରିବାର ଦାମ୍ ଖୁବ୍ କମ୍ ଥିବା ଜାଣିବାକୁ ମିଳିଛି । ଏଠାରେ ବନ୍ଧାକୋବି କିଲୋ ୨ ଟଙ୍କା ଥିବା ବେଳେ ଫୁଲକୋବିର ଦାମ୍ ମଧ୍ୟ ୨ ଟଙ୍କା ରହିଛି । ଟମାଟର ଦାମ୍ ଜାଣିଲେ ତ ଆପଣ ଆଶ୍ଚର୍ଯ୍ୟ ହୋଇଯିବେ । ଏଠାରେ କୃଷକ ୪ ରୁ ୫ ଟଙ୍କା ପର୍ଯ୍ୟନ୍ତ ଟମାଟ ବିକ୍ରି କରୁଛନ୍ତି । ସେହିଭଳି କାକୁଡିର ଦାମ୍ ୩ ରୁ ୫ ଟଙ୍କା ପ୍ରତି କିଲୋ ଥିବା ବେଳେ, ଓଉର ଦାମ୍ ୩ ରୁ ୫ ଟଙ୍କା , ବାଇଗଣ ପ୍ରତିକିଲୋ ୫ ରୁ ୬ ଟଙ୍କା ଏବଂ ଗାଜର ୫ ରୁ ୧୦ ଟଙ୍କା ପ୍ରତିକିଲୋ ହିସାବରେ ବିକ୍ରି ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଏହାଛଡା ଦିଲ୍ଲୀରେ ୮୦ ରୁ ୧୦୦ ଟଙ୍କାରେ ବିକ୍ରି ହେଉଥିବା ଗୁଆଁର ମାତ୍ର ୪୦ ଟଙ୍କାରେ ବିକ୍ରି ହେଉଛି । ଭେଣ୍ଡି କିଲୋ ପିଛା ୩୦ , କଲରା ୨୫ ରୁ ୩୦ ଏବଂ ୮୦ ଟଙ୍କାରେ ମିଳୁଥିବା ସିମଲା ଲଙ୍କା ୧୦ ଟଙ୍କାରେ ବିକ୍ରି ହେଉଛି ।