କନକ ବ୍ୟୁରୋ : ଦୀର୍ଘଦିନ ପରେ ଆଜି ଗାଜିପୁର ସୀମାରୁ ଆନ୍ଦୋଳନରତ କୃଷକମାନେ ବ୍ୟାରିକେଡ ହଟାଇବା ଆରମ୍ଭ କରିଛନ୍ତି । ଏହି ବ୍ୟାରିକେଡ ଭାଙ୍ଗିବା କାମରେ ନିଜେ ରାକେଶ ଟିକାୟତ ସାମିଲ ହୋଇଥିବା ଦେଖିବାକୁ ମିଳିଛି । ଏହି ସମୟରେ ସେ ଗଣମାଧ୍ୟମକୁ କହିଛନ୍ତି କି ଏବେ ଆନ୍ଦୋଳନ ଦିଲ୍ଲୀ ଭିତରେ ହେବ । ଏନେଇ ଗଣମାଧ୍ୟମର ପ୍ରଶ୍ନର ଉତ୍ତର ଦେଇ ଟିକାୟତ କହିଛନ୍ତି କି ଗାଜିପୁର ଛାଡି ଆନ୍ଦୋଳନକାରୀମାନେ ସାଂସଦ ଭବନରେ ଆଗରେ ଧାରଣାରେ ବସିବେ ବୋଲି ଟିକାୟତ ଇସାରା ଦେଇଛନ୍ତି । ସେ କହିଛନ୍ତି କି ଯେଉଁଠି ଆଇନ ପାରିତ ହୋଇଛି ଏବେ ସେହିଠାରେ ଧାରଣା ଦିଆଯିବ । ଅନ୍ୟପଟେ ଦିଲ୍ଲୀ ପୋଲିସ ପକ୍ଷରୁ ଦିଲ୍ଲୀକୁ ଥିବା ସମସ୍ତ ପ୍ରବେଶ ପଥ ସିଲ୍ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାକେଶ ଟିକାୟତ କେବଳ ବ୍ୟାରିକେଡ ଭାଙ୍ଗିବା ନୁହେଁ ବରଂ ସଡକ ଉପରେ ଲାଗିଥିବା ଟେଣ୍ଟ ଭାଙ୍ଗିବାର ଦେଖିବାକୁ ମିଳିଛି । ସେ କହିଛନ୍ତି କି ଆମେ କେବେ ବି ରାସ୍ତା ବନ୍ଦ କରିନଥିଲୁ । ଏହି ବ୍ୟାରିକେଡ ଭାଙ୍ଗିବା ପରେ ଗାଜିଆବାଦରୁ ଦିଲ୍ଲୀ ଯାଉଥିବା ଲୋକମାନେ ସହଜରେ ଯାଇପାରିବେ ବୋଲି କୁହାଯାଇଛି ।
କହିରଖୁ କି କୃଷକ ଆନ୍ଦୋଳନ କ୍ରମରେ ଦିଲ୍ଲୀ ସଡକ ଖୋଲିବା ନେଇ ଆଜି ସୁପ୍ରିମକୋର୍ଟରେ ଶୁଣାଣି ହୋଇଥିଲା । ଏହି ଶୁଣାଣି ବେଳେ କୋର୍ଟ ବ୍ୟାରିକେଡ ଭାଙ୍ଗିବାକୁ କିଛି ନିର୍ଦ୍ଦେଶ ଦେଇ ନଥିଲେ । ଏହି ମାମଲାର ଶୁଣାଣି ଆସନ୍ତା ୭ ତାରିଖରେ ହେବ ବୋଲି କୋର୍ଟ କହିଛନ୍ତି । ଅନ୍ୟପଟେ କୃଷକ ସଂଗଠନ ମାନଙ୍କୁ ଆବେଦନର କପି କୋର୍ଟରେ ଦାଖଲ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।