ସରକାରଙ୍କୁ ରାକେଶ ଟିକାୟତଙ୍କ ଚେତାବନୀ, ଦାବି ନମାନିଲେ ଦିଲ୍ଲୀ ଭଳି ଲକ୍ଷ୍ନୌର ସବୁ ରାସ୍ତା ବନ୍ଦ କରାଯିବ
କନକ ବ୍ୟୁରୋ : କୃଷକ ନେତା ରାକେଶ ଟିକାୟତ ଆଜି ସରକାରଙ୍କୁ ଏକ ବଡ ଚେତାବନୀ ଦେଇଛନ୍ତି । ସେ କହିଛନ୍ତି କି ସରକାର ଯଦି କୃଷକମାନଙ୍କର ଦାବି ନମାନନ୍ତି ତେବେ ଲକ୍ଷ୍ନୌରେ ଦିଲ୍ଲୀଭଳି ପରିସ୍ଥିତି ଦେଖାଦେବ ଓ ଉତ୍ତରପ୍ରଦେଶକୁ ଆନ୍ଦୋଳନ ପ୍ରଦେଶ କରିଦେବେ ।
Kanak News is now on WhatsApp
Join and get latest news updates delivered to you via WhatsApp
ରାକେଶ ଟିକାୟତ କହିଛନ୍ତି କି ସରକାର ୪ ବର୍ଷ ହେବ ଗହମର ସହାୟକ ମୂଲ୍ୟ ବୃଦ୍ଧି କରିନାହାନ୍ତି । ଏବେ ବି ସରକାରଙ୍କ ଉପରେ ୧୨ ହଜାର କୋଟି ଟଙ୍କା ଚାଷୀଙ୍କର ପଡିରହିଛି । ୭-୮ ଟି ରାଜ୍ୟ କୃଷକମାନଙ୍କ ପାଇଁ ମାଗଣା ବିଜୁଳିର ବ୍ୟବସ୍ଥା କରିଥିବା ବେଳେ ଯୋଗୀ ସରକାର କୃଷିକ୍ଷେତ୍ରକୁ ଶିଳ୍ପଶ୍ରେଣୀଭୂକ୍ତ କରି ବିଜୁଳି ବିଲ୍ ଆଦାୟ କରୁଛନ୍ତି । ଅନ୍ୟପଟେ ସେ ଦାବି କରିଛନ୍ତି କି ଗୁଜୁରାଟ ସରକାରକୁ ପୋଲିସ ଚଳାଉଛି । ଏବେ ଉତ୍ତରପ୍ରଦେଶରେ ବି ପୋଲିସ ଷ୍ଟେଟ କରିବାକୁ ଯୋଗୀ ସରକାର ପ୍ରୟାସ କରୁଛନ୍ତି ବୋଲି ଟିକାୟତ ଅଭିଯୋଗ କରିଛନ୍ତି ।
Samyukta Morcha has decided to go to Uttarakhand, UP, Punjab and other parts of the country and talk to farmers on government’s policies and work. On September 5, there will be a big panchayat in Muzaffarnagar (UP). The entire country is captured: BKU leader Rakesh Tikait pic.twitter.com/b50VQCCFEN
— ANI (@ANI) July 26, 2021
ଅନ୍ୟପଟେ କିଷାନ ମହାପଂଚାୟତ ନେଇ ଟିକାୟତ ଏକ ବଡ ଘୋଷଣା କରିଛନ୍ତି । ସେ କହିଛନ୍ତି କି ‘ଆମେ କୃଷକମାନଙ୍କ ପାଖରେ ପହଂଚିବୁ , ସେପ୍ଟେମ୍ବର ୫ ତାରିଖ ଦିନ ମୁଜାଫରନଗରରେ ଏକ ବିଶାଳ କୃଷକ ପଞ୍ଚାୟତର ଆୟୋଜନ କରାଯିବ,’ । ପୁରା ଦେଶରେ ସରକାର ସାମ୍ବାଦିକ ଓ ଜାଗ୍ରତ ପହରୀ ମାନଙ୍କ ଉପରେ ନଜର ରଖି ଦେଶକୁ ନିଜ ଆୟତକୁ ନେବାକୁ ଚେଷ୍ଟା କରୁଛନ୍ତି । ଅନ୍ୟପଟେ ଯେପର୍ଯ୍ୟନ୍ତ ସରକାର ପାରିତ କରିଥିବା ୩ ଟି କୃଷି ବିରୋଧୀ ଆଇନକୁ ପ୍ରତ୍ୟାହାର କରିନାହାନ୍ତି, ସେପର୍ଯ୍ୟନ୍ତ ଆନ୍ଦୋଳନ ଜାରି ରହିବ । ଏହାସହ ଲକ୍ଷ୍ନୌକୁ ଚାରିପଟୁ ରାସ୍ତା ବନ୍ଦ କରିବା ନେଇ ଯୋଜନା ପ୍ରସ୍ତୁତ ହୋଇଛି ବୋଲି ସେ ସରକାରଙ୍କୁ ଚେତାବନୀ ଦେଇଛନ୍ତି ।
ଅନ୍ୟପଟେ ସଂସଦକୁ ରାହୁଲ ଗାନ୍ଧୀ ଟ୍ରାକ୍ଟର ନେଇ ଆସିବା ଘଟଣାରେ ସେ କହିଛନ୍ତି କି ଏବେ ସବୁ ସାଂସଦ ମାନେ ସଂସଦକୁ ଟ୍ରାକ୍ଟର ସହାୟତାରେ ଆସିବାର ସମୟ ଆସିଯାଇଛି । ଏହାସହ ସରକାର ଅନୁମତି ଦେଲେ ଅଗଷ୍ଟ ୧୫ ତାରିଖରେ ଦିଲ୍ଲୀରେ କୃଷକମାନେ ୫ ଲକ୍ଷ ଟ୍ରାକ୍ଟର ସହିତ ରାଲି କରିବେ ବୋଲି ସେ ଚେତାବନୀ ଦେଇଛନ୍ତି ।