ଭଞ୍ଜନଗର ଘୁମୁସର ବନଖଣ୍ଡ ଅଞ୍ଚଳରେ ଚାଷୀଙ୍କୁ ନାକେଦମ କଲେଣି ଜଙ୍ଗଲି ଜନ୍ତୁ : ଫସଲ ବଂଚାଇବାକୁ ମଂଚା ଉପରେ ଜଗୁଛି ମଣିଷ; ଧାନ କ୍ଷେତରେ ବାରହା ଓ ହାତୀ ପଲ କରୁଛନ୍ତି ଉତ୍ପାତ
କନକ ବ୍ୟୁରୋ : ବର୍ଷକର ଜୀବିକା ପାଇଁ ଧାନ ଚାଷୀ ଅକ୍ଲାନ୍ତ ପରିଶ୍ରମ କରୁଛନ୍ତି । କିନ୍ତୁ ଏବେ ଜଙ୍ଗଲ ଜନ୍ତୁଙ୍କ କବଳରୁ ଫସଲ ବଂଚାଇବାକୁ ମଂଚା ଉପରେ ଚାଷୀଙ୍କୁ ଜଗିବାକୁ ପଡୁଛିା ଏଭଳି ଚିତ୍ର ଆସିଛି ଗଞ୍ଜାମ ଭଞ୍ଜନଗର ଅଞ୍ଚଳରୁ । କରୋନାର କଠୋର ସମୟରେ ବର୍ଷା ଅଭାବରୁ ଚାଷୀ ସମସ୍ୟାର ସମ୍ମୁଖୀନ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏବେ ଅମଳବେଳକୁ ପୁଣି ଜଙ୍ଗଲି ଜନ୍ତ ଦାଉ ସାଧିଛନ୍ତି । ଭଂଜନଗର ମହାଗୁଡା, ମୁଜାଗଡ, ବୁଦୁଲି ଓ ଅନ୍ୟ ଅଚଂଳରେ ଧାନ ପାଚିବା ସମୟରେ ଚାଷୀଙ୍କ ଉପରେ ଚଡକ ପଡିଛି । ପାଚିଲା ଧାନ କ୍ଷେତରେ ବାରହା ଓ ହାତୀ ପଲ୍ଲ ଫସନ ନଷ୍ଟ କରିଛନ୍ତି । ଏଭଳି ସ୍ଥିତିରେ ଚାଷୀ ନିଜର ଧାନ ଫସଲ ବଂଚାଇବାକୁ ଯାଇ କ୍ଷେତକୁ ୨୪ ଘଂଟା ଜଗୁଛନ୍ତି । ଲକଡାଉନ ସମୟରେ କିଛି ଯୁବକ ବାହାର ରାଜ୍ୟରୁ ଆସି ନିଜ ଗାଁରେ ଚାଷ କରିଛନ୍ତି ।
ହେଲେ ଅମଳବେଳକୁ ଅମଳ ନେଇ ଚିନ୍ତାରେ ଚାଷୀ । ଆଉ ଏହି ସମୟରେ ମଂଚା କରି ଜାମି ଚାରିପଟେ ବୁଲି ଫସଲକୁ ସୁରକ୍ଷିତ ରଖିଛନ୍ତି । ଚାଷୀ ୨୪ ଘଂଟା ଧରି ଜମିକୁ ଜଗି ରହିଛନ୍ତି । ଦିନରେ ତଳେ ଥିବା ମଂଚାରେ ଜଗୁଥିବାବେଳେ ରାତିରେ ଗଛ ଉପରେ ତିଆରି ହୋଇଥିବା ମଂଚାରେ ଜଗିରହିଛନ୍ତି । ହାତୀ ଓ ବାରହା ଆସିଲେ ନିଆଁ , ତୁଳା ଓ ଶିଙ୍ଗ ତୁରୀ ନେଇ ଚାଷୀ ଜଙ୍ଗଲ ଜନ୍ତୁଙ୍କୁ ଘଉଡାଇଥାନ୍ତି ।