ଚାଷୀ ମୁଣ୍ଡରେ ଚଡକ: ଅଜଣା ରୋଗ ପୋକ ଆକ୍ରମଣରେ ଶହ ଶହ ଏକର ଧାନ ଜମି ସଂପୂର୍ଣ୍ଣ ନଷ୍ଟ, କାମ ଦେଉ ନାହିଁ କୀଟନାଶକ; ଚିନ୍ତାରେ ଏବେ ପଦ୍ମପୁର ଉପଖଣ୍ଡ ଚାଷୀ
କନକ ବ୍ୟୁରୋ: ଚାଷୀ ମୁଣ୍ଡରେ ଚଡକ । କେତେ ବେଳେ କରୋନା କଟକଣା ତ କେତେବେଳେ ଲଗାଣ ବର୍ଷା ଚାଷକୁ ପ୍ରଭାବିତ କରୁଛି । ଏବେ ଅଜଣା ରୋଗପୋକ ଚାଷୀର ଚିନ୍ତା ବଢାଇଛି । ବରଗଡ ଜିଲ୍ଲା ପଦ୍ମପୁର ଉପଖଣ୍ଡରେ ଶହ ଶହ ଏକର ଜମିରେ ଧାନ ଗଛରେ ମାଡି ଯାଉଛି ରୋଗପୋକ । ଏନେଇ କୃଷି ଅଧିକାରୀଙ୍କ ପରାମର୍ଶ କରି କୀଟନାଶକ ଦେଲେ ବି ଏହା କାମ ଦେଉ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସ୍ଥାନୀୟ ଅଂଚଳରେ ବହୁ ପ୍ରକାର କୀଟନାଶକ ମିଳୁଛି ଏବଂ ଏହାକୁ କିଣି ଚାଷୀ କେବଳ ଖର୍ଚ୍ଚାନ୍ତ ହେଉଛନ୍ତି । ହେଲେ ସୁଫଳ ମିଳିନାହିଁ । ଫଳରେ ଚଳିତ ବର୍ଷ ଋଣ କରଜ କରି ଚାଷୀ କରିଥିବା ଚାଷ ନଷ୍ଟ ହେବା ଆଶଙ୍କା ସୃଷ୍ଟି ହୋଇଛି । ତେବେ ଏହି ଘଟଣାର ଅଧିକ ତଦନ୍ତ ହେବ ବୋଲି ଉପଜିଲ୍ଲାପାଳ ସୂଚନା ଦେଇଛନ୍ତି ।