କନକ ବ୍ୟୁରୋ : ବର୍ଷା ଛାଡି ଯାଇଛି । ହେଲେ ବ୍ରାହ୍ମଣୀ ନଦୀର ବନ୍ୟା ପାଣି କିନ୍ତୁ ଜମିରୁ ଖସିନି । ଭୁବନ ଅଂଚଳରେ ଶହ ଶହ ହେକ୍ଟର ସୁନାର ଫସଲ ଏବେ ବନ୍ୟା ପାଣି ଭିତରେ ବୁଡି ନଷ୍ଟ ହୋଇ ଯାଇଛି । ୭ ଦିନରୁ ଅଧିକ ସମୟ ପାଣି ଘେରରେ ଚାଷ ଜମି ରହିବା ପରେ ଧାନ ଓ ପରିବା ଫସଲ ସବୁ ନଷ୍ଟ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନ ବ୍ଲକର ନୀଳକଣ୍ଠପୁର, ଜୟପୁର, ମହୁଲପାଳ, କୃଷ୍ଣପୁର, ପୁରୁଷୋତମପୁର ଭଳି ଅନେକ ଗାଁର ଚାଷ ଜମିରେ ଲହଡି ମାରୁଛି ବନ୍ୟା ପାଣି । ଜଳ ନିଷ୍କାସନର କୌଣସି ବାଟ ନାହିଁ । ଏବେ ମୁଣ୍ଡରେ ହାତ ଦେଇ ବସିଛନ୍ତି ଚାଷୀ । ସରକାରୀ ସ୍ତରରେ କେବେ କ୍ଷୟକ୍ଷତି ଆକଳନ ହେବ ଆଉ ମିଳିବ କ୍ଷତିପୂରଣ ଚିନ୍ତାରେ ପଡିଛନ୍ତି ଭୁବନ ବ୍ଲକର ଚାଷୀ କୂଳ ।