ଚାଷୀ ଆତ୍ମହତ୍ୟା ପ୍ରସଙ୍ଗରେ ଆଜି ବି ବିଧାନସଭାରେ ହଙ୍ଗାମା : ଗୃହ କମିଟି ଗଠନ ଦାବିରେ କଳା ଗାଉନ ପିନ୍ଧି ବିଜେପି ସଦସ୍ୟଙ୍କ ହୋହାଲ୍ଲା
କନକ ବ୍ୟୁରୋ : ବିଧାନସଭାରେ ଆଜି ପୁଣି ଦେଖିବାକୁ ମିଳିଛି ଚାଷୀ ତାତି । ମାତ୍ର ୪ ମିନିଟ୍ ଚାଲିବା ପରେ ଘଂଟାଏ ପାଇଁ ଗୃହ ମୁଲତବୀ । ଚାଷୀ ଆତ୍ମହତ୍ୟା ପ୍ରସଙ୍ଗକୁ ନେଇ ଗୃହରେ ଆଜି ହୋ ହଲ୍ଲା କରିଛନ୍ତି ବିରୋଧି । ବିଜେପି ସଦସ୍ୟମାନେ କଳା ଜ୍ୟାକେଟ୍ ପିନ୍ଧି ସରକାରଙ୍କୁ ପ୍ରତିବାଦ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବରଗଡର ଚାଷୀ ଖଏନୁ ବଗର୍ତିଙ୍କ ଆତ୍ମହତ୍ୟାକୁ ନେଇ ଗୃହରେ ଭୁଲ ତଥ୍ୟ ରଖିଥିବା କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କୁ ଟାର୍ଗେଟ୍ କରିଛନ୍ତି ବିରୋଧୀ । ନିଜ ଦୋଷ ସ୍ୱୀକାର କରିବା ସହ କୃଷି ମନ୍ତ୍ରୀ କ୍ଷମା ମାଗନ୍ତୁ ବୋଲି ଦାବି କରିଛି ବିଜେପି । ଏହା ସହ ଚାଷୀ ଆତ୍ମହତ୍ୟା ପ୍ରସଙ୍ଗରେ ଏକ ହାଉସ କମିଟି ମଧ୍ୟ ଗଠନ ପାଇଁ ଦାବି କରିଛନ୍ତି ବିଜେପି ସଦସ୍ୟ । ପ୍ରଶ୍ନ କାଳ ଆରମ୍ଭରୁ ବିରୋଧୀଙ୍କ ହୋହଲ୍ଲା ଯୋଗୁ ବାଚସ୍ପତି ଘଂଟାଏ ପାଇଁ ଗୃହକୁ ମୁଲତବୀ ଘୋଷଣା କରିଛନ୍ତି ।