କନକ ବ୍ୟୁରୋ: ଫସଲ ଉଜୁଡ଼ିବା ଚିନ୍ତାରେ ଚାଷୀଙ୍କ ଆତ୍ମହତ୍ୟା ଅଭିଯୋଗ । ଋଣ ଭାର ସୁଝି ନପାରି ଚରମ ପଦକ୍ଷେପ ନେଇଛନ୍ତି କେନ୍ଦ୍ରାପଡ଼ା ରାଜକନିକାର ଭାଗଚାଷୀ ଅମର କୁମାର । ସୂଚନା ଅନୁଯାୟୀ ହାଟସାହି ଗାଁର ଭାଗଚାଷୀ ଅମର କୁମାର ଜେନା ଗାଁର ଜମି ମାଲିକଙ୍କ ଠାରୁ ୫ ଏକରରୁ ଅଧିକ ଜମି ଭାଗରେ ଆଣି ଚାଷ କରିଥିଲେ । ଚାଷ ପାଇଁ ସମବାୟ ସମିତି ବ୍ୟାଙ୍କ ଓ ଗାଁର କେତେ ଲୋକଙ୍କ ଠାରୁ ସୁଧକୁ ପ୍ରାୟ ଲକ୍ଷାଧିକ ଟଙ୍କା ଋଣ ଆଣି ଚାଷ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବର୍ଷା ନହେବାରୁ ବିଲ ଶୁଖିଯିବା ଅଜଣା ପୋକ ଧାନ ଗଛଗୁଡ଼ିକୁ କାଟି ନଷ୍ଟ କରି ଦେବା ଘଟଣାରେ ଚିନ୍ତିତ ହୋଇପଡ଼ିଥିଲେ ଅମର । ଋଣ କରିଥିବା ଟଙ୍କା କିପରି ସୁଝିବେ ଓ କିପରି ପରିବାର ପ୍ରତିପୋଷଣ କରିବେ ସେ ଚିନ୍ତାରେ ମାନସିକ ଭାରସାମ୍ୟ ହରାଇ ବିଲରେ ପକାଇବାକୁ ନେଇଥିବା କୀଟନାଶକ ପିଇ ଆତ୍ମହତ୍ୟା କରିଥିବା ତାଙ୍କ ପୁଅ ଅଭିଯୋଗ କରିଛନ୍ତି ।