ଋଣ ଭାର ସହିନପାରି ଚାଷୀ ଆତ୍ମହତ୍ୟା କରିଥିବା ଅଭିଯୋଗ । ଦେଢ଼ ଲକ୍ଷ ଟଙ୍କା କରଜ କରି କରିଥିଲେ ଚାଷ ହେଲେ ବର୍ଷା ଅଭାବ ହେଲା କାଳ ।
କନକ ବ୍ୟୁରୋ: ରୁଣ ଭାରରେ ଅତିଷ୍ଠ ହୋଇ ଚାଷୀ ଆତ୍ମହତ୍ୟା କରିଥିବା ଅଭିଯୋଗ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ରସିଆଗୁଢା ଗାଁରୁ ଏହି ଅଭିଯୋଗ ଆସିଛି । ମୃତ ଚାଷୀଙ୍କ ନାମ ଶ୍ୟାମ ଖିଲ, ବୟସ ୩୭ ବର୍ଷ ।
Kanak News is now on WhatsApp
Join and get latest news updates delivered to you via WhatsApp
ଗତ ବର୍ଷ ଚାଷ କାମ ପାଇଁ ସେ ଏକ ଘରୋଇ କମ୍ପାନୀ ଠାରୁ ଦେଢ ଲକ୍ଷ ଟଙ୍କା ରୁଣ ଆଣିଥିଲେ । କିନ୍ତୁ ବର୍ଷା ଅଭାବରୁ ଜମିରେ ଚାଷ ହୋଇପାରିଲା ନାହିଁ । ଫଳରେ ରୁଣ କେମିତି ପରିଶୋଧ କରିବେ ବୋଲି କିଛି ଦିନ ହେଲା ଚିନ୍ତାରେ ଥିବା ଶ୍ୟାମ ଖିଲ ବିଷ ପିଇ ଦେଇଥିଲେ । ଏହା ଜାଣିବା ପରେ ପତ୍ନୀ ତାଙ୍କୁ ଚିତ୍ରକୋଣ୍ଡା ହସ୍ପିଟାଲକୁ ନେଇଥିଲେ । ଡାକ୍ତରଖାନାରେ ଶ୍ୟାମ ଖିଲଙ୍କ ମୃତ୍ୟୁ ହୋଇଛି । ଘରେ ୩ଟି ଛୋଟ ଛୋଟ ଶିଶୁ ଅଛନ୍ତି । ପରିବାର ଚଳାଉଥିବା ସ୍ୱାମୀଙ୍କ ବିୟୋଗ ପରେ କେମିତି ଚଳିବେ, ଏବେ କଣ କରିବେ ସେହି ଚିନ୍ତାରେ ପତ୍ନୀ ପ୍ରତିମା ଖିଲ ଘାରି ହେଉଛନ୍ତି । ପ୍ରଶାସନ ପକ୍ଷରୁ ଅଭାବୀ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।