କନକ ବ୍ୟୁରୋ : ଆଇପିଏଲ ମହାନିଲାମୀ ପୂର୍ବରୁ ପୁରୁଣା ୮ଟି ଫ୍ରାଞ୍ଚାଇଜ ନିଜ ମନପସନ୍ଦର ଖେଳାଳୀଙ୍କୁ ରିଟେନ କରିଛନ୍ତି । ଆଉ ଏହି କ୍ରମରେ ରାଜସ୍ଥାନ ରୟାଲ୍ସ ୩ ଜଣ ଖେଳାଳୀଙ୍କୁ ରିଟେନ କରିଛି । ସଞ୍ଜୁ ସାମସନଙ୍କ ସମେତ ଜସ୍ ବଟଲର ଏବଂ ଜସଶ୍ୱୀ ଜୟସ୍ୱାଲଙ୍କୁ ରିଟେନ କରିଛି ରାଜସ୍ଥାନ ରୟାଲ୍ସ । ତେବେ ସଞ୍ଜୁ ସାମସନଙ୍କୁ ରାଜସ୍ଥାନ ପ୍ରଥମ ପସନ୍ଦର ଖେଳାଳୀ ଭାବେ ୧୪ କୋଟି ଟଙ୍କା ଦେଇ ଟିମରେ ରଖିଥିବା ବେଳେ ବଟଲରଙ୍କୁ ଦ୍ୱିତୀୟ ପସନ୍ଦର ଖେଳାଳୀ ଭାବେ ୧୦ କୋଟି ଦେଇ ଦଳ ରିଟେନ କରିଛି ।

Advertisment

ଅନ୍ୟପଟେ ସରପ୍ରାଇଜ୍ ପ୍ୟାକେଟ୍ ଭାବେ ରାଜସ୍ଥାନ ତୃତୀୟ ପସନ୍ଦର ଖେଳାଳୀ ଭାବେ ଜସଶ୍ୱୀ ଜୟସ୍ୱାଲଙ୍କୁ ୪ କୋଟି ଦେଇ ରିଟେନ କରିଛି । ଏହିଭଳି ଭାବେ ୩ ଖେଳାଳୀଙ୍କୁ ରିଟେନ କରିବାକୁ ୨୮ କୋଟି ଟଙ୍କା ଖର୍ଚ୍ଚ କରିଛି ।