କନକ ବ୍ୟୁରୋ : ପୁଣି ଥରେ WWEର ସୁପରଷ୍ଟାର ରେସଲର ଜନ୍ ସିନାଙ୍କୁ ନେଇ ଚର୍ଚ୍ଚା । ଏଥର ତାଙ୍କ ପ୍ରଂଶସକ ମାନେ ତାଙ୍କୁ ଭାରତୀୟ ବୋଲି ସମ୍ବୋଧନ କରିଛନ୍ତି । ତେବେ ଏହା ପଛର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ହଲିଉଡର ଷ୍ଟାର ଏବଂ WWEର ଏହି ରେସଲର ତାଙ୍କ ଇନଷ୍ଟାଗ୍ରାମ ପେଜରେ ବିଭିନ୍ନ ସମୟରେ ଭାରତୀୟଙ୍କ ଫଟୋ ପୋଷ୍ଟ କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ମଧ୍ୟ ଲୋକପ୍ରିୟ ଟିଭି ସୋ ବିଗ୍ ବସର ଫାଇନାଲିଷ୍ଟ ଆସିମ ରିଆଜଙ୍କ ଫଟୋ ପୋଷ୍ଟ କରିଥିଲେ ଜନ ସିନା । ଏବଂ ଏହା ପରେ ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଲାଙ୍କ ଦେହାନ୍ତରେ ମଧ୍ୟ ସିଦ୍ଧାର୍ଥଙ୍କର ଏକ ଫଟୋ ନିଜ ଇନଷ୍ଟାଗ୍ରାମ ପେଜରେ ସେ ସେୟାର କରିଥିଲେ । ଆଉ ଜନ ସିନାଙ୍କ ଏଭଳି ପୋଷ୍ଟ ସେତେବେଳେ କୋଟି କୋଟି ଭାରତୀୟଙ୍କ ମନ କିଣିନେଇଥିଲା ।
View this post on Instagram
ଆଉ ଏବେ ଲୋକପ୍ରିୟ ଚଳଚ୍ଚିତ୍ର ମୁନ୍ନାଭାଇ ଏମବିବିଏସରେ ସର୍କିଟ ଭୂମିକାରେ ଅଭିନୟ କରି ସମସ୍ତଙ୍କ ମନ ଜିଣିନେଇଥିବା ଅଭିନେତା ଅର୍ସଦ ୱାର୍ସିଙ୍କ ଫଟୋ ସେୟାର କରିଛନ୍ତି ଜନ ସିନା । ଅର୍ସଦ ନିଜ ଫିଟନେସ୍ ଉପରେ ଧ୍ୟାନ ଦେଇଥିବା ବେଳେ ତାଙ୍କର ଏକ ଫିଟନେସ୍ ଫଟୋ ସେୟାର କରିଥିଲେ । ଆଉ ଏହି ପୋଷ୍ଟକୁ ନିଜ ପେଜରେ ସେୟାର କରିଛନ୍ତି ଜନ୍ ସିନା । ଆଉ ସବୁଠୁ ରୋମାଞ୍ଚକର କଥା ହେଉଛି, ଏହି ପୋଷ୍ଟରେ ଅନେକ ଭାରତୀୟ କମେଣ୍ଟ କରିଛନ୍ତି । ଏବଂ ସବୁବେଳେ ବିଭିନ୍ନ ଭାରତୀୟଙ୍କ ଫଟୋ ପୋଷ୍ଟ କରୁଥିବାରୁ ଲୋକେ ତାଙ୍କୁ ଭାରତୀୟ ବୋଲି ମଧ୍ୟ କହିଛନ୍ତି ।
View this post on Instagram