ପୁରୀରେ ଲ୍ୟାଣ୍ଡଫଲ୍ କରିବା ପୂର୍ବରୁ ‘ଫୋନି’ର ଫିଟିଲା ଆଖି । ଜାଣନ୍ତୁ କଣ ରହିବ ପ୍ରଭାବ?
କନକ ବ୍ୟୁରୋ : ବାତ୍ୟା ଫୋନିର ଫିଟିଲା ଆଖି । ଆସନ୍ତାକାଲି ସକାଳ ୮ଟାରୁ ୧୦ଟା ମଧ୍ୟରେ ପୁରୀରେ ଲ୍ୟାଣ୍ଡଫଲ୍ କରିବା ପୂର୍ବରୁ ଫୋନିର ଆଖି ଦେଖିବାକୁ ମିଳିଛି । ସମୁଦ୍ର ମଧ୍ୟରେ ଶକ୍ତି ଗୋଟାଉଥିବା ଫୋନିର ଆଖି ସ୍ପଷ୍ଟ ଭାବେ ଦେଖିବାକୁ ମିଳିଛି । ଆଉ ଏହାସହ ଅଶାନ୍ତ ହୋଇ ଉଠିଛି ସମୁଦ୍ର । ଫୋନି ଲ୍ୟାଣ୍ଡଫଲ କରିବା ସମୟରେ ପବନର ବେଗ ୧୭୦ରୁ ୧୮୦ କିଲୋମିଟର ରହିବ ବୋଲି ପାଣିପାଗ ବିଭାଗ ସର୍ତକ କରିଛି । ତେବେ ପବନର ବେଗ କିଛି ସ୍ଥାନରେ ୨୦୦ କିଲୋମିଟର ପ୍ରତି ଘଣ୍ଟା ପାର କରିପାରେ । ଯାହା ରାଜ୍ୟବାସୀଙ୍କ ଚିନ୍ତା ବଢାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥଳଭାଗ ଛୁଇଁବା ପୂର୍ବରୁ ଫୋନିର ଆଖି ଦେଖାଯିବା ପରେ ଏହା ଉପରେ ଏବେ ପାଣିପାଗ ବିଭାଗର ନଜର ରହିଛି । କାରଣ ‘ଫୋନି’ର ଆଖିର ପରିଧି ଯେତିକି ବଢିବ ସେତିକି ଅଧିକ ହେବ ତାହାର ପ୍ରଭାବ । ଖାସକରି ଫୋନିର ଆଖି ଯେଉଁ ଅଞ୍ଚଳରେ ମାଡ ହେବ ତାହା ସବୁଠୁ ଅଧିକ କ୍ଷତିଗ୍ରସ୍ତ ହେବ । ତେଣୁ ଫୋନିର ଆଖି ଉପରେ ଏବେ ସମସ୍ତଙ୍କର ନଜର ରହିଛି । ଫୋନିର ଆଖି ଫିଟିବା ପରେ ସମୁଦ୍ରରେ ଜୁଆର ଉଚ୍ଚ ହେବା ସହ ପବନର ବେଗ ମଧ୍ୟ ବଢିଛି । ଏହାସହ ରାଜ୍ୟର କିଛି ସ୍ଥାନରେ ବର୍ଷା ମଧ୍ୟ ଆରମ୍ଭ ହୋଇଛି ।