ଅରିନ୍ଦମଙ୍କ ମୃତ୍ୟୁ ପରେ ସୋସିଆଲ୍ ମିଡିଆରେ ବୁଲୁଛି ମିଛ ଖବର । ପଢନ୍ତୁ, କଣ କହିଲେ ଅରିନ୍ଦମଙ୍କ ଭଉଣୀ…
କନକ ବ୍ୟୁରୋ: ଯୁବ ସାମ୍ବାଦିକ ଅରିନ୍ଦମ ଦାସ ମୃତ୍ୟୁ ଘଟଣାରେ ଆଜି ଅରିନ୍ଦମଙ୍କ ପରିବାର ଲୋକେ ଏକ ଟୁଇଟ କରି, ସୋସିଆଲ ମିଡିଆରେ ଚାଲିଥିବା ଅପପ୍ରଚାରକୁ ବନ୍ଦ କରିବାକୁ ଅନୁରୋଧ କରିଛନ୍ତି । ଫେସବୁକରେ ଜଣେ ଲୋକ ତାଙ୍କ ପରିବାରକୁ ଟଙ୍କା ଦରକାର କହି ଟଙ୍କା ସଂଗ୍ରହ ପାଇଁ ଭିଡିଓ ଜାରି କରିଥିଲେ । ଏହାଛଡା ଅରିନ୍ଦମଙ୍କୁ ନେଇ ଆଉ କିଛି ଭାବ ପ୍ରବଣତାପୂର୍ଣ୍ଣ ଭିଡିଓ ବି ଜାରି ହୋଇଥିଲା । ଏସବୁ ଘଟଣା ପରେ ଆଜି ଅରିନ୍ଦମଙ୍କ ଭଉଣୀ ଝରଣା ଦାସ ଟୁଇଟ୍ କରି ଏସବୁ ବନ୍ଦ କରିବାକୁ ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅରିନ୍ଦମଙ୍କ ମୃତ୍ୟୁର ଏକ ସପ୍ତାହ ପରେ ତାଙ୍କ ପରିବାର ଟୁଇଟ୍ କରି ସୋସିଆଲ ମିଡିଆରେ ଏହି ଅପପ୍ରଚାର ରୋକିବାକୁ କହିଛନ୍ତି । ଟୁଇଟରେ ଅରିନ୍ଦମଙ୍କ ଭଉଣୀ ଝରଣା କହିଛନ୍ତି, ବର୍ତ୍ତମାନ ପରିସ୍ଥିତିରେ ସୋସିଆଲ ମିଡିଆରେ ଅପପ୍ରଚାର ବନ୍ଦ କରିବା ପାଇଁ ସେ ପଦକ୍ଷେପ ନେଇଛନ୍ତି । ଏଭଳି ଦୁଃଖଦ ସ୍ଥିତିରେ ଉପହାସ କରାନଯାଉ । ଭଗବାନଙ୍କ କୃପାରୁ ସେମାନେ ଏହି ପରିସ୍ଥିତିର ମୁକାବିଲା କରିବାକୁ ସକ୍ଷମ । ଅରିନ୍ଦମଙ୍କ ପତ୍ନୀ ଓ ପୁଅର ଭବିଷ୍ୟତ ସୁରକ୍ଷିତ କରିବାକୁ ଭାଇ ଭଉଣୀ ଓ ପରିବାରର ଅନ୍ୟ ସଦସ୍ୟ ରହିଛନ୍ତି । ପରିବାର ଭାବେ ଅରିନ୍ଦମଙ୍କ ଯାହାବି ଆର୍ଥିକ ବୋଝ ରହିଛି ତାହାକୁ ସେମାନେ ମିଳିତ ଭାବେ ତୁଲାଇବେ ବୋଲି ସ୍ପଷ୍ଟ କରିଛନ୍ତି ଝରଣା ଦାସ ।
In this tough time, this is what I could think of doing to stop the rumors circulating about my brother Arindam Das. We are not in a condition to take these. Try to think what if it happens with your own family. Please stop making fun of anyone’s tragedy 🙏 #ArindamDas pic.twitter.com/D7xBRpFH9S
— Jharana Das (@Jharna_2wt) October 1, 2021
ତେବେ ସୋସିଆଲ ମିଡିଆରେ ଜଣେ ବ୍ୟକ୍ତି, ଅରିନ୍ଦମଙ୍କ ପରିବାର ଉପରେ ୬୦ ଲକ୍ଷର ଋଣ ଅଛି କହି ଟଙ୍କା ସଂଗ୍ରହ କରିବାକୁ ଭିଡିଓ ଜାରି କରିଥିଲେ । ଏଥିସହ ଭାବପ୍ରବଣତାପୂର୍ଣ୍ଣ କିଛି ଭିଡିଓ ବି ଜାରି କରିଥିଲେ । ହେଲେ ଏସବୁ କଥାକୁ ଗ୍ରହଣ କରିପାରି ନାହାନ୍ତି ପରିବାର ଲୋକେ । ଝରଣା ତାଙ୍କ ଟୁଇଟରେ ଲେଖିଛନ୍ତି, ଯେଉଁ ବ୍ୟକ୍ତିମାନେ ଅରିନ୍ଦମଙ୍କ ମୃତ୍ୟୁକୁ ନେଇ ନିଜ ଲୋକପ୍ରିୟତା ବଢାଇବାକୁ ଚାହୁଁଛନ୍ତି, ସେମାନେ ଦୟାକରି ଏସବୁ ବନ୍ଦ କରନ୍ତୁ ଏବଂ ମାନବିକ ଦୃଷ୍ଟିକୋଣରୁ ତାଙ୍କ ପରିବାର ଉପରେ ଆଉ ମାନସିକ ଚାପ ପକାନ୍ତୁ ନାହିଁ ।