ନବରଙ୍ଗପୁରରେ ଧରାପଡିଲା ନକଲି ଖଇନି କାରଖାନା: ବିପୁଳ ପରିମାଣର ନକଲି ଖଇନି ତିଆରୀ ସାମଗ୍ରୀ ଓ ମେସିନକୁ ଜବତ କଲା ପୋଲିସ

380

କନକ ବ୍ୟୁରୋ: ନବରଙ୍ଗପୁରରେ ଧରାପଡିଲା ନକଲି ଖଇନି କାରଖାନା । ଏହି ନକଲି କାରଖାନାକୁ ଧରାଇଲେ ଅସଲି କାରଖାନାର କମ୍ପାନୀ ମାଲିକ । ବ୍ୟବସାୟରେ ବାରମ୍ୱାର କ୍ଷତି ସହିବା ପରେ ଚିନ୍ତାରେ ପଡିଥିଲେ ବନଦୁର୍ଗା ନାମକ ଖଇନୀ କମ୍ପାନୀ ମାଲିକ । ଆଉ ଆରମ୍ଭ କରିଥିଲେ ଏହାର କାରଣ ଖୋଜିବା । ବ୍ୟକ୍ତିଗତ ସ୍ତରରେ ତଦନ୍ତରେ ସେ ଯାହା ପାଇଲେ ନିଜକୁ ବି ବିଶ୍ୱାସ କରିପାରିନଥିଲେ ।

ନବରଙ୍ଗପୁରର ସହରର ଇଛାବତୀଗୁଡା ସାହିରେ ଚାଲୁଥିଲା ନକଲି ଖଇନି କାରଖାନା । ଏନେଇ ସେ ପୋଲିସରେ ଏତଲା କରିବା ପରେ ନବରଙ୍ଗପୁର ପୋଲିସ ନକଲି ଖଇନି କାରଖାନା ଉପରେ ଚଢଉ କରିଥିଲା । ଚଢଉରେ କାରଖାନାରୁ ବିପୁଳ ପରିମାଣର ନକଲି ଖଇନି ଜବତ ସହିତ ଖଇନି ତିଆରୀ ସାମଗ୍ରୀ ଓ ମେସିନକୁ ଜବତ୍ କରିଛି ପୋଲିସ । ନକଲି ଖଇନି କାରଖାନା ମାଲିକ ଫେରାର ଅଛନ୍ତି । ଏଠାରେ କାମ କରୁଥିବା ଜଣେ ଶ୍ରମିକକୁ ଅଟକ ରଖି ପୋଲିସ ପଚରାଉଚରା କରୁଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.