ଖର୍ଚ୍ଚ ପାଇଁ ଫାଷ୍ଟପୁଡ୍ ଦୋକାନୀ ବନିଗଲେ ନକଲି ସାମ୍ବାଦିକ : ବେକରେ ପରିଚୟ ପତ୍ର ପକାଇ ବଟି ମାଗିବାକୁ ଯାଇଥିବା ବେଳେ କାବୁ କଲା ପୋଲିସ, ମାନିଲେ ସତ
କନକ ବ୍ୟୁରୋ : କରୋନା ସମୟରେ ବ୍ୟବସାୟ ବନ୍ଦ ଥିବା ବେଳେ ଫାଷ୍ଟପୁଡ୍ ଦୋକାନୀ ବନିଗଲେ ନକଲି ୱେବ ସାମ୍ବାଦିକ । ବେକରେ ପରିଚୟ ପତ୍ର ପକାଇ ଜୁଆ ଖେଳାଳିଙ୍କ ପାଖକୁ ବଟି ମାଗିବାକୁ ଯାଇଥିବା ବେଳେ ପୁଲିସ ହାତରେ ଧରା ପଡି ସତ ବଖାଣିଲେ ନକଲି ସାମ୍ବାଦିକ । କେବଳ କିଛି ଖର୍ଚ୍ଚ ଆଣିବାକୁ ଜୁଆଡିଙ୍କ ପାଖକୁ ଯାଇଥିବା ମୁହଁରେ ମାନିଲେ ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ମଙ୍ଗଳପୁର ପୁଲିସ ବଉଲାଙ୍ଗ ଅଂଚଳରେ ଜୁଆ ଆଡ୍ଡା ଉପରେ ଚଢ଼ାଉ କରିଥିବା ବେଳେ ସ୍ଥାନୀୟ ଅଂଚଳର ଜଣେ ଫାଷ୍ଟପୁଡ ଦୋକାନୀ ସାମ୍ବାଦିକ ଭାବେ ଜୁଆଡିଙ୍କ ସହ ମିଶିଥିବା ପୁଲିସ ଜାଣିବାକୁ ପାଇଥିଲା । ପୁଲିସ ଜୁଆଆଡ୍ଡାରୁ ୪ ଜଣଙ୍କୁ ଗିରଫ କରିଥିବା ବେଳେ ଗିରଫ ନକଲି ସାମ୍ବାଦିକଙ୍କ ପ୍ରେସ ପରିଚୟ ପତ୍ରକୁ ଜବତ କରାଯାଇଛି । ୪ ଜଣଙ୍କୁ ଗିରଫ କରି କୋର୍ଟ ଚାଲଣ କରାଯିବା ପରେ ଅଧିକ ଅନୁସନ୍ଧାନ ଜାରି ରହିଛି ।