ବାଲେଶ୍ୱର ଗୋପାଳପୁରରେ ନକଲି ଡାକ୍ତରଙ୍କ ରାଜ । ଶିକ୍ଷାଗତ ଯୋଗ୍ୟତା ମାଟ୍ରିକ ପାସ୍ କିନ୍ତୁ ରୋଗୀ ଦେଖି ଦେଉଛନ୍ତି ଔଷଧ । ଲୋକଙ୍କ ଜୀବନକୁ ବିପଦରେ ପକାଇ ଚିକିତ୍ସା କରୁଛନ୍ତି ଏହି ନକଲି ଡାକ୍ତର
କନକ ବ୍ୟୁରୋ: ବାଲେଶ୍ୱରରେ ଜିଲ୍ଲା ଗୋପାଳପୁରରେ ନକଲି ଡାକ୍ତରଙ୍କ ରାଜ । ଶିକ୍ଷାଗତ ଯୋଗ୍ୟତା ମାଟ୍ରିକ ପାସ୍ । ଡାକ୍ତରୀ ପାଠ ପଢି ନାହାନ୍ତି କିନ୍ତୁ ହେଲେ ରୋଗୀ ଦେଖି ଔଷଧ ଦେଉଛନ୍ତି । ବାହାନଗା ବ୍ଲକ ଗୋପାଳପୁର ବଜାରରେ ଦୀର୍ଘ ୧୨ ବର୍ଷ ହେଲା ‘ଦନ୍ତ ଚିକିତ୍ସାଳୟ’ ନାମରେ ଏପରି ଚିକିତ୍ସା ଚାଲିଛି । କରୋନା କାଳରେ ଦନ୍ତ ରୋଗୀଙ୍କ ଜୀବନକୁ ବିପଦରେ ପକାଇ ଚିକିତ୍ସା କରୁଛନ୍ତି ଏହି ନକଲି ଡାକ୍ତର ।
Kanak News is now on WhatsApp
Join and get latest news updates delivered to you via WhatsApp
ଗୋପାଳପୁର ବଜାରରେ ‘ଦନ୍ତ ଚିକିତ୍ସାଳୟ’ ନାମରେ କ୍ଲିନିକ ଖୋଲି ନିଜ ବେପାର ଚଲାଇଛନ୍ତି ରେମୁଣା ବ୍ଲକ ତାଳପଦା ପାହି ଅଂଚଳର ଶ୍ରୀପତି ମଣ୍ଡଳ । କ୍ଲିନିକ ଖୋଲିବା ପାଇଁ ନା ରେଜିଷ୍ଟ୍ରେସନ କରିଛନ୍ତି ନା ତାଙ୍କ ପାଖରେ ଡାକ୍ତରୀ ପାଠ ପଢିଥିବା ପ୍ରମାଣ ପତ୍ର ରହିଛି । ହେଲେ ଶ୍ରୀପତି ମଣ୍ଡଳ ରୋଗୀଙ୍କୁ ଦେଖୁଛନ୍ତି, ପ୍ରେସକ୍ରିପସନ ଲେଖୁଛନ୍ତି, ଦରକାର ହେଲେ ଅସ୍ତ୍ରୋପଚାର ବି କରୁଛନ୍ତି । ତାଙ୍କୁ ପଚାରିବାରୁ କହିଛନ୍ତି, ସେ ପଶ୍ଚିମବଙ୍ଗର ଏକ ମେଡିକାଲରେ ଡାକ୍ତରଙ୍କ ପାଖରେ ରହି କାମ ଶିଖିଥିଲେ, ଆଉ ଏବେ ଲୋକଙ୍କ ସେବା କରୁଛି ବୋଲି ନକଲି ଡାକ୍ତର କହିଛନ୍ତିି ।