ସାବଧାନ ! ଏହି ନକଲି ଆପ୍ କବଳରେ ଆସିସାରିଛନ୍ତି ୫୦ହଜାର ଲୋକ । ଗୁଗଲ ପ୍ଲେ-ଷ୍ଟୋରରେ ରହିଛି ଏହି ଆପ୍
ଗୁଗଲ ପ୍ଲେ-ଷ୍ଟୋରରେ ଆସିବା ଦିନରେ ନକଲି ଆଣ୍ଡ୍ରଏଡ ଆପ୍ ଥିବାର ଖବର ଆସୁଛି । ଲୋକଙ୍କୁ ଜଣା ବି ନଥାଏ ଓ ଲୋକମାନେ ନକଲି ଆପ୍ ନିଜ ଫୋନରେ ଡାଉନଲୋଡ କରୁଛନ୍ତି । ଏବେ ସିକ୍ୟୁରିଟି ଫର୍ମ କ୍ୱିକ୍ ହିଲ୍ ଟେକନୋଲୋଜି ନିଜର ଏକ ରିପୋର୍ଟରେ ଗୁଗଲ ପ୍ଲେ-ଷ୍ଟୋରରେ ମହଜୁଦ୍ ଥିବା ନକଲି ଆପ୍ ବିଷୟରେ ସୂଚନା ପାଇଛି । ବିଶେଷ କଥା ଏହା ଯେ, ଏହି ଆପକୁ ୫୦ହଜାରରୁ ଅଧିକ ଥର ଡାଉନଲୋଡ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କ୍ୱିକ୍ ହିଲ ରିପୋର୍ଟ ମୁତାବକ, ଏହି ଆପ୍ PDF reader, PDF Downloader, PDF Scanner ଭଳି କେତେକ ନାମରେ ଗୁଗଲ ପ୍ଲେ-ଷ୍ଟୋରରେ ମହଜୁଦ୍ ଅଛି । ଏହି ଆପ୍ ଅନ୍ୟ କମ୍ପାନୀଙ୍କ ଠାରୁ ଟଙ୍କା ନେଇ ତାଙ୍କର ରେଟିଙ୍ଗ ବଢ଼ାଉଛନ୍ତି । ଏହି ଆପ୍ ଦେଖିବାକୁ ବିଲକୁଲ ପିଡିଏଫ୍ ରିଡର ଓ ପିଡିଏଫ୍ ଡାଉନଲୋଡର ଭଳି । ଏହି ସମସ୍ତ ଆପ୍ ଲୋକଙ୍କୁ ଷ୍ଟାର ରେଟିଙ୍ଗ ପାଇଁ ବାଧ୍ୟ କରୁଥିଲା । ରେଟିଙ୍ଗ ଦେବା ପରେ ହିଁ ଏହି ଆପକୁ ବ୍ୟବହାର କରିପାରିବେ । ଏହି ଆପର ଉଦ୍ଦେଶ୍ୟ ଏହି ଆପର ରେଟିଙ୍ଗ ଓ ଡାଉନଲୋଡ ବଢ଼ାଇବା । ଆପଣଙ୍କ ପାଖରେ ଯଦି ଏହି ଆପ୍ ଅଛି, ତେବେ ଆପଣଙ୍କୁ ସାବଧାନତା ଅବଲମ୍ବନ କରିବାକୁ ପଡିବ । ଏହି ଆପକୁ ତୁରନ୍ତ ଡିଲିଟ୍ କରନ୍ତୁ ଓ ଏହାକୁ ଡାଉନଲୋଡ କରିବାରୁ ବଂଚନ୍ତୁ ।