ପଦାରେ ପଡିଲା ଗଞ୍ଜାମ କଂଗ୍ରେସର ଦଳୀୟ ଗୋଷ୍ଠୀ କନ୍ଦଳ । ଦଳୀୟ କର୍ମୀଙ୍କ ପୋଷ୍ଟର ଚିରି ଧରାପଡିଲେ ଅଭିଯୁକ୍ତ ।
କନକ ବ୍ୟୁରୋ: ପଦାରେ ପଡିଲା କଂଗ୍ରେସର ଦଳୀୟ ଗୋଷ୍ଠୀ କନ୍ଦଳ, ଧରା ପଡିଲା ପୋଷ୍ଟର ଚିରା ଅଭିଯୁକ୍ତ । ଗଞ୍ଜାମ ଜିଲ୍ଲା କଂଗ୍ରେସ କାର୍ଯ୍ୟାଳୟ ବାପୁଜୀ ଆଶ୍ରମର ଛାତରେ ଲାଗିଥିବା ପୋଷ୍ଟରକୁ ଚିରି ଥିବା ଯୁବକ ଜଣକ ବ୍ରହ୍ମପୁର ପୋଲିସ ହାତରେ ଲାଗିଛି । ଉକ୍ତ ଯୁବକ ଜଣକ ମଧ୍ୟ ଜିଲ୍ଲା କଂଗ୍ରେସର ସଭ୍ୟ ବୋଲି ପ୍ରାଥମିକ ତଦନ୍ତରୁ ପୋଲିସ ଜାଣିପାରିଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଦଳର ଜାତୀୟ ସ୍ତରର ନେତା, ପ୍ରଦେଶ କଂଗ୍ରେସ ସଭାପତିଙ୍କ ସହ ଗଞ୍ଜାମ ଜିଲ୍ଲା ପୂର୍ବାଞ୍ଚଳ ସଭାପତି ଦୀପକ ପଟନାୟକଙ୍କ ଫଟୋ ଥିବା ଏକ ପୋଷ୍ଟର ଜିଲ୍ଲା କଂଗ୍ରେସ କାର୍ୟାଳୟ ଛାତରେ ଲାଗିଥିଲା । ହେଲେ କେହି ଜଣେ ରାତିରେ ତାକୁ ଚିରି ଦେଇଥିବା ନେଇ ବ୍ରହ୍ମପୁର ଟାଉନଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ସଂପୃକ୍ତ ଅଞ୍ଚଳର ସିସିଟିଭି ଯାଞ୍ଚ କରିବା ବେଳେ ଅଭିଯୁକ୍ତ ଜଣକ ଚିହ୍ନଟ ହୋଇଛି । ପୋଲିସ ଉକ୍ତ ଯୁବକକୁ ଧାରା ୧୦୭ରେ ନୋଟିସ ଜାରି କରିବା ସହ ତାଗିଦ କରି ଛାଡିଦେଇଥିବା ସୂଚନା ଦେଇଛନ୍ତି ବ୍ରହ୍ମପୁର ଏସପି ।
କିଛିଦିନ ତଳେ ଦଳରେ ହୋଇଥିବା ଜିଲ୍ଲା କଂଗ୍ରେସ କମିଟି ସଭାପତି ପଦ ଚୟନରେ ଅସନ୍ତୁଷ୍ଟ ଥିବା କିଛି ନେତା ଓ କର୍ମୀ ଏଭଳି କାଣ୍ଡ ଭିଆଇଥିବା ସହରରେ ଚର୍ଚ୍ଚା ହେଉଛି ।