ଫ୍ୟାକ୍ଟ ଚେକ୍: ୨୦୦୭ ରେ ଟି -20 ବିଶ୍ୱକପ ଜିତିଥିବା ଟିମ୍ ଇଣ୍ଡିଆ କେବଳ ସୋନିଆ ଗାନ୍ଧୀଙ୍କୁ ଭେଟିବା ଫଟୋ ଭାଇରାଲ ।

ସୌଜନ୍ଯ : ଆଜ୍ ତକ୍ 
ଫ୍ୟାକ୍ଟ ଚେକ୍: ୨୦୦୭ ରେ ଟି -20 ବିଶ୍ୱକପ ଜିତିଥିବା ଟିମ୍ ଇଣ୍ଡିଆ କେବଳ ସୋନିଆ ଗାନ୍ଧୀଙ୍କୁ ନୁହେଁ ବରଂ ମନମୋହନ ସିଂଙ୍କୁ ମଧ୍ୟ ଭେଟିଥିଲେ ।

ଭାରତୀୟ କ୍ରିକେଟ୍ ଦଳ ୨୦୨୪ ଟି -20 ବିଶ୍ୱକପ ଜିତି ଦେଶକୁ ଗର୍ବିତ କରିଛି ।  ଏହା ସହିତ ପ୍ରଧାନମନ୍ତ୍ରୀ ମୋଦୀ ମଧ୍ୟ ସେମାନଙ୍କୁ ବିଜୟ ପାଇଁ ଅଭିନନ୍ଦନ ଜଣାଇଥିଲେ । ତେବେ ସୋନିଆ ଗାନ୍ଧୀଙ୍କ ସହ ୨୦୦୭ ବିଶ୍ୱକପରେ ଖେଳୁଥିବା ଦଳର ଏକ ଚିତ୍ର ସୋସିଆଲ ମିଡିଆରେ ସେୟାର କରାଯାଉଛି ଏବଂ ଦାବି ହେଉଛି ଯେ ସେତେବେଳେ ଭାରତୀୟ ଦଳ ସେ ତତ୍କାଳୀନ ପ୍ରଧାନମନ୍ତ୍ରୀଙ୍କୁ ଭେଟି ନଥିଲେ କିନ୍ତୁ ସୋନିଆ ଗାନ୍ଧୀଙ୍କୁ ଭେଟିଥିଲେ।

ଆଜ୍ ତକ୍ ଫ୍ୟାକ୍ଟ ଚେକ୍ ଟିମ ଭାଇରାଲ ହୋଇଥିବା ଉକ୍ତ ଫଟୋକୁ ଯାଞ୍ଚ କରିଥିଲେ । 

ଦୀର୍ଘ ୧୭ ବର୍ଷର ଅପେକ୍ଷାର ଅନ୍ତ ଘଟାଇ  ଭାରତ ବାରବାଡୋସ୍, ୱେଷ୍ଟଇଣ୍ଡିଜ୍ ରେ ଦ୍ୱିତୀୟ ଥର ପାଇଁ ଟି -20 ବିଶ୍ୱକପ୍ ରେ ବିଜୟ ଲଭ କରିଛି । ଟ୍ରଫି ଜିତିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଧିନାୟକ ରୋହିତ ଶର୍ମା, ବିରାଟ କୋହଲି ଏବଂ କୋଚ ରାହୁଲ ଦ୍ରାବିଡଙ୍କ ସହ ଫୋନରେ କଥା ହୋଇ ସେମାନଙ୍କୁ ଅଭିନନ୍ଦନ ଜଣାଇଛନ୍ତି।

ଏସବୁ ମଧ୍ୟରେ ସୋସିଆଲ ମିଡିଆରେ ଏକ ଚିତ୍ର ଭାଇରାଲ ହେଉଛି ଯେଉଁଥିରେ ତତ୍କାଳୀନ ୟୁପିଏ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ୨୦୦୭ ଟି -20 ବିଶ୍ୱକପ ବିଜେତା ଦଳ ସହିତ ଦେଖିବାକୁ ମିଳିଛି । ଏହି ଚିତ୍ର ସେୟାର କରୁଥିବା ସୋସିଆଲ ମିଡିଆ ବ୍ୟବହାରକାରୀମାନେ କହିଛନ୍ତି ଯେ ୨୦୦୭ ରେ ଟି -20 ବିଶ୍ୱକପ ଜିତିବା ପରେ ଟିମ ଇଣ୍ଡିଆକୁ ଦେଶର ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂ ବଦଳରେ କେବଳ ସୋନିଆ ଗାନ୍ଧୀଙ୍କ ସହ ପରିଚିତ କରାଯାଇଥିଲା । ଏହା ମଧ୍ୟ କୁହାଯାଉଛି ଯେ ସେହି ସମୟରେ ଟି -20 ବିଶ୍ୱକପ ବିଜେତା ଦଳର ଫଟୋ ସୁଟ କେବଳ ସୋନିଆ ଗାନ୍ଧୀଙ୍କ ସହ କରାଯାଇଥିଲା ।

"୨୦୦୭ ରେ ଭାରତୀୟ କ୍ରିକେଟ୍ ଦଳ ବିଶ୍ୱକପ୍ ଜିତିଥିଲା। ମହେନ୍ଦ୍ର ସିଂ ଧୋନି ଅଧିନାୟକ ଏବଂ ରାଜୀବ ଶୁକ୍ଲା ବିସିସିଆଇର କାର୍ଯ୍ୟକାରୀ ସଭାପତି ଏବଂ ନମୋହନ ସିଂ ଦେଶର ପ୍ରଧାନମନ୍ତ୍ରୀ ଥିଲେ ।  ପ୍ରଧାନମନ୍ତ୍ରୀଙ୍କ ବଦଳରେ ସୁପର ପ୍ରଧାନମନ୍ତ୍ରୀ ସୋନିଆ ଗାନ୍ଧୀଙ୍କ ସହ ଏକ ଫଟୋ ସୁଟ୍ କରାଯାଇଥିଲା ।   ତେବେ କୌଣସି  ସାମ୍ବାଦିକ ଏ ପ୍ରଶ୍ନ ଉଠାଇ ନାହାଁନ୍ତି ଯେ ସୋନିଆ ଗାନ୍ଧୀ କାହିଁକି  ଭାରତୀୟ କ୍ରିକେଟ୍ ଦଳ ସହ ଫଟୋ ସୁଟ୍ କରୁଛନ୍ତି ? ସିଏ କିଏ ?  କଳ୍ପନା କରନ୍ତୁ ଯେ କଂଗ୍ରେସ ଭାରତରେ ଏପରି ଘୃଣ୍ଯ କାମ କେମିତି ପ୍ରଦର୍ଶନ କରିଛି ଏବଂ ଏହା ପ୍ରଧାନମନ୍ତ୍ରୀ ପଦର ସମ୍ମାନକୁ କେତେ ଅପମାନିତ କରିଛି । ଏହି ଚିତ୍ରଟି କ୍ୟାପସନ୍ ସହିତ X ଏବଂ ଫେସବୁକରେ ସେୟାର କରାଯାଉଛି ।

ଆଜ୍ ତକ୍ ଫ୍ୟାକ୍ଟ ଚେକ୍ ଟିମ୍  ଜାଣିବାକୁ ପାଇଲା ଯେ ୨୦୦୭ ରେ ଟି -20 ବିଶ୍ୱକପ ଜିତିଥିବା ଟିମ୍ ଇଣ୍ଡିଆ କେବଳ ସୋନିଆ ଗାନ୍ଧୀଙ୍କ ସହ ପରିଚିତ କରାଇଥିବାର କଥା ଭିତ୍ତିହୀନ ଅଟେ ।

ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂ ସେହି ଦିନ ଭାରତୀୟ କ୍ରିକେଟ୍ ଦଳକୁ ଭେଟି ଏହାର ସଦସ୍ୟମାନଙ୍କୁ ଅଭିନନ୍ଦନ ଜଣାଇଥିଲେ।

ସତ୍ୟ କେମିତି ଜଣା ପଡିଲା ?

ସର୍ବପ୍ରଥମେ ଏହି ଫଟୋ କେବେ ନିଆଯାଇଥିଲା ଆମେ ଜାଣିବାକୁ ଚେଷ୍ଟା କରିଥିଲୁ । ରିଭର୍ସ ଇମେଜ ସନ୍ଧାନର ସାହାଯ୍ୟରେ, ଆମେ ଏହି ଫଟୋ gettyimages ୱେବସାଇଟରେ ପାଇଲୁ ।  ଏଠାରେ ଏହି ଫଟୋର କ୍ୟାପସନରେ ଲେଖା ଅଛି- 'ୟୁପିଏ ଅଧ୍ୟକ୍ଷ ତଥା କଂଗ୍ରେସ ପାର୍ଟି ସଭାପତି ସୋନିଆ ଗାନ୍ଧୀ ଭାରତୀୟ କ୍ରିକେଟ୍ ଦଳର ଅଧିନାୟକ ମହେନ୍ଦ୍ର ସିଂ ଧୋନି ଏବଂ 20-20 କ୍ରିକେଟ୍ ବିଶ୍ୱକପ୍ ବିଜୟୀ ଦଳକୁ ତାଙ୍କର ବାସଭବନରେ  ଭେଟିଥିଲେ । ପ୍ରଧାନମନ୍ତ୍ରୀ ମନମୋହନ ସିଂ, ରାଷ୍ଟ୍ରପତି ପ୍ରତୀଭା ପାଟିଲ ଏବଂ ସୋନିଆ ଗାନ୍ଧୀ 20-20 କ୍ରିକେଟ୍ ବିଶ୍ୱକପ ଜିତିଥିବା ଦଳର ଖେଳାଳି, ଅଧିକାରୀ ଏବଂ ପ୍ରଶିକ୍ଷକଙ୍କୁ ଭେଟିଥିଲେ ଏବଂ ତାଙ୍କର  ଉତ୍କୃଷ୍ଟ ପ୍ରଦର୍ଶନ ପାଇଁ ସେମାନଙ୍କୁ  ଅଭିନନ୍ଦନ ଜଣାଇଥିଲେ ।

ଅକ୍ଟୋବର ୩୦, ୨୦୦୭ ରେ 'ଟାଇମ୍ସ ଅଫ୍ ଇଣ୍ଡିଆ' ଦ୍ୱାରା ପ୍ରକାଶିତ ଏକ ରିପୋର୍ଟ ଆମେ ପାଇଲୁ। ଏହି ରିପୋର୍ଟ ଅନୁଯାୟୀ ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂ ନୂଆଦିଲ୍ଲୀରେ ତାଙ୍କ ବାସଭବନରେ ପ୍ରଥମ ଟି -20 ବିଶ୍ୱକପ ବିଜୟ ଉତ୍ସବ ପାଳନ କରିଥିଲେ । ସେ ସମଗ୍ର ଭାରତୀୟ ଦଳକୁ ନିମନ୍ତ୍ରଣ ପଠାଇଥିଲେ ଏବଂ ତାଙ୍କ ପତ୍ନୀ ଗୁରୁଶରଣ କୌରଙ୍କ ସହ ସେ ପ୍ରାୟ ୧୫  ମିନିଟ୍ ପର୍ଯ୍ୟନ୍ତ ସମସ୍ତ ଖେଳାଳିଙ୍କ ସହ କଥା ହୋଇଥିଲେ ।   କେବଳ ଏତିକି ନୁହେଁ, ପ୍ରଧାନମନ୍ତ୍ରୀ ଦଳର ପ୍ରତ୍ୟେକ ସଦସ୍ୟଙ୍କୁ ବ୍ୟକ୍ତିଗତ ଭାବେ ଅଭିନନ୍ଦନ ଜଣାଇବା ସହ ସେମାନଙ୍କ ସହ  କିଛି ସ୍ମୃତିଚାରଣ ମଧ୍ୟ କରିଥିଲେ। ଖେଳାଳିଙ୍କ ସହିତ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସାକ୍ଷାତ ଏବଂ ବାର୍ତ୍ତାଳାପର କିଛି ଫଟୋ ଷ୍ଟକ୍ ଫଟୋ ୱେବସାଇଟ୍  alamy ରେ ଦେଖିବାକୁ ମିଳେ ।

ଏହା ପରେ ପ୍ରଧାନମନ୍ତ୍ରୀ ମନମୋହନ ସିଂ ମଧ୍ୟ ଭାରତୀୟ କ୍ରିକେଟ୍ ଦଳ ସହ ଗ୍ରୁପ୍ ଫଟୋ ପାଇଁ ପୋଜ୍ ଦେଇଛନ୍ତି । ଏହି ଚିତ୍ର ଭାରତର ପୂର୍ବତନ ପ୍ରଧାନମନ୍ତ୍ରୀଙ୍କ ସହ ଜଡିତ ସରକାରୀ ୱେବସାଇଟ୍ 'archivepmo.nic.in' ରେ ଉପଲବ୍ଧ ।

ନିଷ୍କର୍ଷ : ୨୦୦୭  ରେ ଟି -20 ବିଶ୍ୱକପ ଜିତିବା ପରେ କେବଳ ସୋନିଆ ଗାନ୍ଧୀଙ୍କ ସହ ଟିମ୍ ଇଣ୍ଡିଆର ପରିଚୟ କରାଇବାର ଫଟୋ ସମ୍ପୂର୍ଣ୍ଣ ଭିତ୍ତିହୀନ ଏବଂ ସମ୍ପାଦିତ ଅଟେ ।