ବାଲେଶ୍ୱରର ୩ ରିଅଲ ହିରୋ: ଦୁର୍ଘଟଣାର ଶବ୍ଦ ଶୁଣି ବଗିରେ ପଶି ବଞ୍ଚାଇଲେ ଶହ ଶହ ଜୀବନ

କନକ ବ୍ୟୁରୋ: ବାଲେଶ୍ୱର ବାହାନଗାରେ ହୋଇଥିବା ଭୀଷଣ ରେଳ ଦୁର୍ଘଟଣାରେ ଦେବଦୂତ ସାଜି ପ୍ରଥମେ ଘଟଣାସ୍ଥଳରେ ପହଞ୍ଚିଥିଲେ ସ୍ଥାନୀୟବାସିନ୍ଦା । ସେମାନଙ୍କ ମଧ୍ୟରେ ଥô୍ଲେ ଏଭଳି କିଛି ଯୁବକ ଯେଉଁମାନେ ନିଜ ଜୀବନକୁ ବାଜି ଲଗାଇ ବିପର୍ଯ୍ୟସ୍ତ ବଗି ଭିତରେ ପଶି ଶହ ଶହ ଲୋକଙ୍କୁ ଉଦ୍ଧାର କରିଥିଲେ । ଘଟଣାସ୍ଥଳରେ ଯାତ୍ରୀଙ୍କ ଜିନିଷପତ୍ର ସହ, ଜୋତା, ଓ ମାଂସଖଣ୍ଡ ସବୁ ବିଛେଇ ହୋଇ ପଡିଥିବାବେଳେ ସାହାସ ଜୁଟାଇ ଯାତ୍ରୀଙ୍କୁ ଉଦ୍ଧାର କରିଥିବା ସାହାସୀ ଯୁବକ ବଖାଣିଛନ୍ତି ସେଦିନର ଲୋମଟାଙ୍କୁରା କାହାଣୀ ।

୩୮ ବର୍ଷିୟ ତୁକନା ଦାସଙ୍କ କହିବା ମୁତାବକ, ସେ ବ୍ରହ୍ମପୁରର ବାସିନ୍ଦା କିନ୍ତୁ ମନ୍ଦିର କାମ କରିବାକୁ ସେ ବାଲେଶ୍ୱରରେ ରହୁଛନ୍ତି । ସେ ଯେଉଁର୍ ମନ୍ଦିରରେ କାମ କରୁଛନ୍ତି ତାହା ଦୁର୍ଘଟଣାସ୍ଥଳଠାରୁୁ ବେଶି ଦୂର ନୁହେଁ । ତେଣୁ ପାଖାପାଖି ୭ଟା ସମୟରେ ଏକ ଭୟଙ୍କର ଶବ୍ଦ ଶୁଣିବା ମାତ୍ରେ ଟ୍ରେନ ଦୁର୍ଘଟଣା ହୋଇଥିବା ଅନୁମାନ କରି ଦୌଡି ଘଟଣାସ୍ଥଳରେ ପହଞ୍ଚିଥିଲେ । ୩ଟି ଟ୍ରେନ ପରସ୍ପରକୁ ଧକ୍କା ଦେଇ ବଗି ଗୁଡିକ ବିକ୍ଷିପ୍ତ ହୋଇ ପଡିଥିବା ଦେଇଥିଲେ । ଗୋଟିଏ କୋଚ୍ ଭିତରେ ପଶିବା ବେଳକୁ ପାଖାପାଖି ୬୦ ଟି ଶବ ପଡିଥିଲା । ଅନେକ ଯାତ୍ରୀ ସାହାଯ୍ୟ ପାଇଁ ଚିକ୍ରାର କରୁଥିଲେ । ସେମାନଙ୍କୁ ଉଦ୍ଧାର କରିବା ସହ ପାଣି ପିଆଇଥିଲେ ଏବଂ ହସ୍ପିଟାଲ ପଠାଇବା ବ୍ୟବସ୍ଥା କରିଥିଲେ ।

ତୁକନାଙ୍କ ସହ ପହଞ୍ଚିଥିଲେ ଆଲୋକ ଓ ତାଙ୍କର ଆଉ ଜଣେ ବନ୍ଧୁ । ୩ଜଣ ଦୁର୍ଘଟଣା ସମୟରେ ପାଖାପାଖି କାମ କରୁଥିଲେ । ୩ଜଣ ମିଶି ୧୫୦ରୁ ଅଧିକ ଯାତ୍ରୀଙ୍କୁ ଉଦ୍ଧାର କରିଥିଲେ । ଆଲୋକଙ୍କ କହିବା ଅନୁସାରେ,ସେଠିକାର ଦୃଶ୍ୟ ଏତେ ଭୟଙ୍କର ଥିଲା ଯେ ଭାବିବା ବେଳକୁ ଲୋମ ଟାଙ୍କୁରି ଉଠୁଛି । ଚାରିଆଡେ କଟା ହାତ, କଟା ଗୋଡ, କଟା ମୁଣ୍ଡ ପଡିଥିଲା । ଯେଉଁଠି ଯେଉଠିି ସେମାନଙ୍କର ପାଦ ପଡୁଥିଲା ସେଠି ଯାତ୍ରୀଙ୍କର ଛିଡା ଜୋତା ସାଙ୍ଗକୁ ମାଂସର ଟୁକୁଡା ପଡିଥିଲା । ଏସବୁ ଦେଖି ସେମାନେ କ’ଣ କରିବେ କ’ଣ ନାହିଁ ଜାଣିପାରିନଥିଲେ । ଏହାପରେ ଆହତଙ୍କୁ ଉଦ୍ଧାର କରିବାକୁ ଚିନ୍ତା କରି ଆଗକୁ ବଢିଥିଲେ । ସମ୍ଭବ ଅନୁସାରେ ଆହତ ଯାତ୍ରୀଙ୍କୁ ଉଦ୍ଧାର କରିଥିଲେ ୩ ବନ୍ଧୁ ।

ତୃତୀୟ ବନ୍ଧୁ ଜଣକ କହିଛନ୍ତି ଯେ, ସେତେବେଳର ଲୋକଙ୍କ ତ୍ତଚକ୍ରାର ଏବେବି ତାଙ୍କ କାନରେ ବାଜୁଛି । ସେ ଦୃଶ୍ୟକୁ ଦେଖିହେଉନଥିଲେ ବିି ତାଙ୍କ ଦ୍ୱାରା ଯେତିକି ସମ୍ଭବ ସେମାନେ କରିଥିବା କହିଛନ୍ତି ।