ବାତ୍ୟା ପରେ ବନ୍ୟା ଆଣିଲା ଦୁଃଖ : କେନ୍ଦୁଝର ହାଟଡ଼ିହି ବ୍ଲକରେ ଚାଷୀଙ୍କ ବ୍ୟାପକ ପରିବା ନଷ୍ଟ
କନକ ବ୍ୟୁରୋ : ବାତ୍ୟା ୟାସ ପରେ ବନ୍ୟା ଦୁଃଖ । କେନ୍ଦୁଝର ଜିଲ୍ଲାରେ ବନ୍ୟା ପ୍ରଭାବରେ ଚାଷୀଙ୍କ ମେରୁଦଣ୍ଡ ଦୋହଲି ଯାଇଛି । ବୈତରଣୀ ନଦୀ କୂଳରେ ଚାଷ କରିଥିବା ଚାଷୀଙ୍କ ବ୍ୟାପକ ଫସଲ ନଷ୍ଟ ହୋଇଛି । ମୁଣ୍ଡ ଝାଳ ତୁଣ୍ଡରେ ମାରି ଚାଷ କରିଥିବା ଚାଷୀ ଏବେ ମୁଣ୍ଡରେ ହାତ ଦେଇ ବସିଛି ।
Kanak News is now on WhatsApp
Join and get latest news updates delivered to you via WhatsApp
ହାଟଡ଼ିହି ବ୍ଳକର ଆଇତିପୁର ପଂଚାୟତର ରାଘବପୁର ଗାଁର ଶତାଧିକ ଚାଷୀ ବିଭିନ୍ନ ପ୍ରକାର ପରିବା ଚାଷ କରିଥିବା ବେଳେ ପରିବା ଫସଲ ନଷ୍ଟ ହୋଇଛି । ବୈତରଣୀ ନଦୀ କୂଳରେ ବାଇଗଣ, ଭେଣ୍ଡି, ପୋଟଳ କଲରା ଆଦି ପରିବା ଚାଷ କରିଥିଲେ ଚାଷୀ । ହେଲେ ଅଚାନକ ବନ୍ୟା ଆସିବା ଦ୍ୱାରା ଏହି ଜମିରେ ପାଣି ପଶିଯିବାରୁ ଏବେ ପରିବା ଜମିରେ ପଟୁ ମାଡ଼ି ଯାଇଛି । ଚାଷୀଙ୍କ ବିଲରେ ବାଲିଚର ମାଡ଼ି ଯାଇଥିବାରୁ ସରକାରୀ ସହାୟତାକୁ ଅନାଇ ବସିଛି ଚାଷୀ ।