ଅପରେସନ ବେଳେ କାନ୍ଦିବାରୁ ମହିଳାଙ୍କୁ ଦେବାକୁ ହେଲା ଅଧିକ ଦେୟ, ଭାଇରାଲ ହେଉଛି ବିଲ ସଲଗ୍ନ ଟ୍ୱିଟ୍
କନକ ବ୍ୟୁରୋ : ଅପରେସନ ଏମିତି ଏକ ଶବ୍ଦ ଯାହାକୁ ଶୁଣିବା ପରେ ପ୍ରତିଟି ମଣିଷର ହୃଦସ୍ପନ୍ଦନ ବଢିଯାଇଥାଏ । କୌଣସି ପ୍ରକାର ଅପରେସନ ହେଉ ନା କାହିଁକି, ଯାହା ଭିତରେ ବିତିଛି ସେ ହିଁ ଜାଣିଛି ସେହି ସମୟରେ ମଣିଷର ମାନସିକ ଅବସ୍ଥା କିଭଳି ଥାଏ । ଏହା ସ୍ୱଭାବିକ ଯେ ଅପରେସନ ରୁମକୁ ନେବା ପୂର୍ବରୁ ହେଉ ବା ଅପରେସନ ବେଳେ ହେଉ ମଣିଷ ଆଖିରେ ଲୁହ ଆସିଯାଇଥାଏ । କେହି କେହି ବି ବଡ ପାଟିରେ କାନ୍ଦନ୍ତି ଓ କିଛି ଲୋକ ଚିକ୍ରାର ବି କରନ୍ତି । ଏହା ମେଡିକାଲରେ ଏକ ସ୍ୱଭାବିକ କଥା ।
Kanak News is now on WhatsApp
Join and get latest news updates delivered to you via WhatsApp
ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଅପରେଶନ ସମୟରେ ଜଣେ ମହିଳା କାନ୍ଦିବାରୁ ମେଡିକାଲ କର୍ତ୍ତୁପକ୍ଷ ମହିଳାଙ୍କ ଉପରେ ଅଧିକ ଚାର୍ଜ ଲଗାଇଛନ୍ତି ଓ ଏହି ଚାର୍ଜ ଲଗାଇବାର କାରଣ ବି କାନ୍ଦିବା ପାଇଁ ଲଗାଯାଇଛି ବୋଲି ବିଲରେ ଦର୍ଶା ଯାଇଛି ।
ସୂଚନା ମୁତାବକ ଆମେରିକାର ଜଣେ ମହିଳା ଦାବି କରି କହିଛନ୍ତି କି, ଅପରେସନ ବେଳେ ସେ କାନ୍ଦିବାରୁ ଡାକ୍ତର ତାଙ୍କ ଉପରେ ଅଧିକ ବିଲ ଲଗାଇଛନ୍ତି । ଏହାର ପ୍ରମାଣ ଆଧାରରେ ମହିଳା ଜଣଙ୍କ ମେଡିକାଲ ବିଲକୁ ତାଙ୍କ ଟ୍ୱିଟରରେ ପୋଷ୍ଟ କରିଛନ୍ତି । ଏହି ବିଲ୍ ମୁତାବକ ମହିଳା ଜଣଙ୍କ କାନ୍ଦିବାରୁ ତାଙ୍କ ଉପରେ ଡାକ୍ତର ଅଧିକ ୧୧ ଡଲାର ଚାର୍ଜ କରିଛନ୍ତି । ତାଙ୍କର ଏହି ଟ୍ୱିଟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆରେ ଏହି ପୋଷ୍ଟକୁ ନେଇ କିଛି ଲୋକ ନିଜ ବିଚାର ରଖିଛନ୍ତି । କହିରଖୁ କି ଏହି ପୋଷ୍ଟଟି ଆମେରିକାର ମିଜ ନାମକ ଜଣେ ମହିଳା ସେୟାର କରିଛନ୍ତି । ମହିଳା ଜଣଙ୍କ ନିଜ ଶରୀରରେ ଥିବା ଏକ କଳାଜାଇକୁ ହଟାଇବାକୁ ଅପରେସନ କରାଇଥିଲେ । ଏନେଇ ମେଡିକାଲ ପକ୍ଷରୁ ମୋଟ ୨୩୪ ଡଲାରର ଏକ ବିଲ ଦିଆଯାଇଛି । ଏଥିରେ କେଉଁ ବାବଦରେ କେତେ ଟଙ୍କା ଲାଗିଛି ତାହା ଲେଖା ହୋଇଛି । ଏହାସହ ଏଥିରେ ମହିଳା ଜଣଙ୍କ କାନ୍ଦିବାରୁ ତାଙ୍କ ଉପରେ ଅଧିକ ୧୧ ଡଲାର ଚାର୍ଜ ଲଗାଯାଇଥିବା ବି ସାମିଲ ଅଛି ।