କରୋନା ରୋଗୀଙ୍କୁ ଏକ୍ସପାରୀ ଔଷଧ ! ପଦ୍ମପୁର ଉପକଣ୍ଠ ଡାକ୍ତରଖାନା ନିରାମୟ କେନ୍ଦ୍ରର ଏକ୍ସପାରୀ ଔଷଧ ଖାଇ ୨ ମାସର ଶିଶୁ ଗୁରୁତର
ଡିସେମ୍ବର ୯ରେ ପଜିଟିଭି ଚିହ୍ନଟ ହୋଇଥିଲେ ବାପା-ମାଆ ଓ ଶିଶୁ
କନକ ବ୍ୟୁରୋ: କରୋନାରେ ଆକ୍ରାନ୍ତ ଶିଶୁକୁ ଦିଆଗଲା ନିରାମୟ କେନ୍ଦ୍ରର ଏକ୍ସପାରୀ ଔଷଧ । ଫଳରେ ଦୁଇମାସର ଶିଶୁ ଗୁରୁତର ହୋଇପଡିଛି । ଏଭଳି ଘଟଣା ଦେଖିବାକୁ ମିଳିଛି ପଦ୍ମପୁର ଉପକଣ୍ଡ ଗାଇସିଲାଚ ବ୍ଲକ କନ୍ଦାଗାଡ ପଂଚାୟତ ଅନ୍ତର୍ଗତ କମଳାପଦର ଗାଁରେ । ଖବର ଅନୁସାରେ ଏହି ଗାଁର ଏକ ପରିବାର କରୋନା ଲକ୍ଷଣ ଅନୁଭବ ହେବାରୁ ପଦ୍ମପୁର ଉପଖଣ୍ଡ ଡାକ୍ତରଖାନାରେ ଡିସେମ୍ବର ୯ ତାରିଖରେ ପରୀକ୍ଷା କରାଇଥିଲେ । ପରୀକ୍ଷା ପରେ ସ୍ୱାମୀ, ସ୍ତ୍ରୀ ଓ ତାଙ୍କ ଦୁଇ ମାସ ଶିଶୁ କରୋନା ପଜିଟିଭ ଚିହ୍ନଟ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଡାକ୍ତର ଦେଇଥିବା ପରାମର୍ଶ ଅନୁସାରେ ସେମାନେ ନିରାମୟ କେନ୍ଦରୁ ଔଷଧ ନେଇ ଖାଇଥିଲେ । ଦୁଇ ମାସର ଶିଶୁକୁ ଦିଆଯାଇଥିବା ଔଷଧ ମଧ୍ୟରୁ ଗୋଟିଏ ଔଷଧ ଏକ୍ସପାରୀ ହୋଇଥିବା ଅଭିଯୋଗ ହୋଇଛି । ଔଷଧର ବୈଧତା ଅକ୍ଟୋବର ମାସ ୨୦୨୦ରେ ସରିଥିବା ଜଣାପଡିଛି । ଔଷଧ ଖାଇବା ପରେ ଶିଶୁଟି ଗୁରୁତର ହୋଇପଡିଛି । ଏ ନେଇ ପଦ୍ମପୁର ଉପଜିଲ୍ଲାପାଳ କହିଛନ୍ତି, ଘଟଣାର ତଦନ୍ତ କରି ସଂପୃକ୍ତ କର୍ମଚାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ନିଆଯିବ ।