ନିର୍ବାଚନ ଫଳାଫଳ ପୂର୍ବରୁ ଏକଜିଟ୍ ପୋଲ୍ ରିପୋର୍ଟ ! ଜାଣନ୍ତୁ ୨୦୧୪ ନିର୍ବାଚନରେ କ’ଣ ଥିଲା ଏକଜିଟ୍ ପୋଲ୍ ଆକଳନ । କେତେ ହୋଇଥିଲା ସଠିକ୍ ।
କନକ ବ୍ୟୁରୋ : ଶେଷ ହୋଇଛି ୧୯ ଯୁଦ୍ଧର ସମସ୍ତ ୭ଟି ପର୍ଯ୍ୟାୟ ଲଢେଇ । ଏବେ ନଜର ୨୦୧୯ ନିର୍ବାଚନ ଫଳାଫଳ ଉପରେ । ଏହା ପୂର୍ବରୁ ଆଉ କିଛି ସମୟ ମଧ୍ୟରେ ଏକଜିଟ୍ ପୋଲ୍ ରିପୋର୍ଟ ଆପଣଙ୍କ ସାମ୍ନାକୁ ଆସିବ । ଯାହାକି ୨୩ ତାରିଖର ଫଳାଫଳର ଏକ ପ୍ରତିଛବି ଆପଣଙ୍କ ଆଗରେ ଆଙ୍କିବ । ତେବେ ଆସନ୍ତୁ ଜାଣିବା କ’ଣ ଥିଲା ଗତ ୨୦୧୪ ନିର୍ବାଚନର ଏକଜିଟ୍ ପୋଲ୍ ରିପୋର୍ଟ । ଏବଂ ଏହି ରିପୋର୍ଟ କେତେ ସଠିକ୍ ହୋଇଥିଲା । ନଜର ପକାନ୍ତୁ ୨୦୧୪ ଏକଜିଟ୍ ପୋଲର ଏହି ରିପୋର୍ଟ ଉପରେ ।
Kanak News is now on WhatsApp
Join and get latest news updates delivered to you via WhatsApp
୨୦୧୪ ଲୋକସଭା ନିର୍ବାଚନରେ ମୋଦି ମ୍ୟାଜିକ କାମ କଲା ଏବଂ ଭାରତୀୟ ଜନତା ପାର୍ଟି ବହୁମତ ପାଇ ସରକାର ଗଢିଥିଲା । ତେବେ ୨୦୧୪ରେ ବିଜେପିକୁ ମିଳିଥିଲା ମୋଟ୍ ୨୮୨ ଆସନ (ଏନଡିଏ-୩୩୫) । ସେହିପରି କଂଗ୍ରେସ ମାତ୍ର ୪୪ଟି ଆସନ ଜିତିବାରେ ସକ୍ଷମ ହୋଇଥିଲା । ସେହିପରି ଟିଏମସି ୩୩, ଏଆଇଡିଏମକେ ୩୬, ବିଜେଡି ୨୦, ଏନସିପି ୬, ସିପିଆଇ(ଏମ) ୯, ସିପିଆଇ ୧, ବିଏସପି ୦(ୟୁପିଏ-୬୦)ଟି ସିଟ୍ ଅକ୍ତିଆର କରିଥିଲେ ।