ରଥଯାତ୍ରା ପାଇଁ ଛାଡ ହେବନି ଟୋଲଗେଟ୍ ଫି ! ସ୍ପଷ୍ଟ କଲା ଏନଏଚଏଆଇ, ପୂର୍ବରୁ ଟୋଲ୍ ଫି ଛାଡ ପାଇଁ ଘୋଷଣା କରିଥିଲା ଶ୍ରୀମନ୍ଦିର ପ୍ରଶାସନ ।
କନକ ବ୍ୟୁରୋ : ରଥଯାତ୍ରା ସମୟରେ ଛାଡ ହେବନାହିଁ ଟୋଲଗେଟ୍ ଫି । ଏନେଇ ଆଜି ଭାରତୀୟ ଜାତୀୟ ରାଜପଥ ପ୍ରାଧିକରଣ ପକ୍ଷରୁ ସ୍ପଷ୍ଟ କରାଯାଇଛି । ପୂର୍ବରୁ ଟୋଲ୍ ଗେଟ୍ ଛାଡ ହେବା ନେଇ ଘୋଷଣା କରିଥିଲା ଶ୍ରୀମନ୍ଦିର ପ୍ରଶାସନ । ତେବେ ଏନଏଚଏଆଇ କର୍ତ୍ତୃପକ୍ଷଙ୍କ ସହ ବିନା ଆଲୋଚନାରେ ଶ୍ରୀମନ୍ଦିର ପ୍ରଶାସନ ଏକାକି ଏଭଳି ନିଷ୍ପତ୍ତି ନେଇଥିବା ଏନଏଚଏଆଇ ପକ୍ଷରୁ କୁହାଯାଇଛି । ତେବେ ପିପିଲି ଟୋଲ୍ ଗେଟରେ ରଥଯାତ୍ରା ସମୟରେ ମଧ୍ୟ ଯାତ୍ରୀଙ୍କୁ ଟୋଲ୍ ଫି ଦେବା ପାଇଁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଏନଏଚଆଇ ପକ୍ଷରୁ ସ୍ପଷ୍ଟ କରାଯାଇଛି ଯେ, ଟୋଲ୍ ଫି ଛାଡ କରିବା ନେଇ ସେଭଳି କୌଣସି ନିୟମ ନାହିଁ । ପୂର୍ବରୁ ମଧ୍ୟ ବର୍ଷ ବର୍ଷ ଧରି ରଥଯାତ୍ରା ଅନୁଷ୍ଠିତ ହୋଇଆସୁଛି । କିନ୍ତୁ ପୂର୍ବରୁ କେବେ ଏଭଳି ନିଷ୍ପତ୍ତି ନିଆଯାଇନାହିଁ । ଅନ୍ୟପଟେ ପିପିଲି ଟୋଲଗେଟ୍ ଏକ ଘରୋଇ ସଂସ୍ଥା ଦ୍ୱାରା ଟେଣ୍ଡର ମାଧ୍ୟମରେ ପରିଚାଳିତ ହେଉଛି । ଏବଂ ସେହି ସଂସ୍ଥାକୁ ଏନଏଚଆଇ କର୍ତ୍ତୃପକ୍ଷଙ୍କୁ ଟିକସ ଦେବାକୁ ପଡିଥାଏ । ତେଣୁ ଶ୍ରୀମନ୍ଦିର ପ୍ରଶାସନର ଏଭଳି ନିଷ୍ପତ୍ତି ପୁରା ବ୍ୟବସ୍ଥାକୁ ବିଗାଡିଦେବ । କାରଣ ଏହି ରିହାତି ଯୋଗୁଁ ଏନଏଚଆଇକୁ ଠିକା କମ୍ପାନୀ ତାର ପ୍ରାପ୍ୟ ଦେବା ନେଇ ଅସୁବିଧା ସୃଷ୍ଟି ହେବ । ତେଣୁ ଏଭଳି ପରିସ୍ଥିତିରେ ରିହାତି ବ୍ୟବସ୍ଥା ପରିଚାଳିତ ହେବା ଅସମ୍ଭବ । ଆଉ ଏହି ସବୁ କାରଣକୁ ଦୃଷ୍ଟିରେ ରଖି ଟୋଲ୍ ଫି ଛାଡ ନକରିବା ପାଇଁ ନିଷ୍ପତ୍ତି ନେଇଛନ୍ତି ଏନଏଚଏଆଇ କର୍ତ୍ତୃପକ୍ଷ ।