କଣ ସମସ୍ତ ବାବା ଅସାଧୁ କାର୍ଯ୍ୟରେ ଲିପ୍ତ ? କଣ କୁହନ୍ତି ବାବା ବଳିଆ ! ଦେଖନ୍ତୁ ଆଧ୍ୟାତ୍ମିକ ଗୁରୁଙ୍କ ସହ ସ୍ୱତନ୍ତ୍ର ସାକ୍ଷାତକାର
ଡେରା ସଚ୍ଚା ସୈାଦା ମୁଖ୍ୟ ବାବା ରାମରହିମ ଦୋଷୀ ସାବ୍ୟସ୍ତ ହେବା ପରେ ପୁଣି ବାବାଙ୍କୁ ନେଇ ନିଆଁ ଜଳିଛି । ଦିନ ଥିଲା ଲୋକେ ନିଜର ଦୈନିକ ଜୀବନର କର୍ମକ୍ଲାନ୍ତ ଜୀବନକୁ ଟିକେ ଶାନ୍ତମୟ କରିବା ପାଇଁ ଗୁରୁ ଶରଣ ଲୋଡୁଥିଲେ । ଗୁରୁଙ୍କ ଉପଦେଶ ଓ ସତସଙ୍ଗ ବାଣୀରେ ହୃଦୟକୁ ନିର୍ମଳ କରୁଥିଲେ । ହେଲେ ଏବେ ବଦଳିଯାଇଛି ସମୟ । ଏହି ଗୁରୁ ରୂପି ଆତ୍ମଘୋଷିତ ଭଗବାନମାନେ ଏବେ ବିବାଦ ଘେରରେ । ଯୌନ କେଳେଙ୍କାରୀ ସହ ଅନ୍ୟ ସବୁ ମାମଲାରେ ଏମାନେ ଜେଲର ଚାରିକାନ୍ଥରେ । ଏହି କଥିତ ଧର୍ମ ଗୁରୁମାନଙ୍କ ଉପରେ ଲାଗିଥିବା ଆରୋପ ବି ଖୁବ୍ ବଡ । କାହା ପାଇଁ ହତ୍ୟା ତ ଆଉ କାହା ପାଇଁ ଦୁଷ୍କର୍ମର ଆରୋପ ଲାଗିଛି । ବିଶ୍ୱାସ ଓ ଅବିଶ୍ୱାସର ଘେରରେ ଲୋକେ ଉତ୍ତ୍ୟକ୍ତ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଓଡିଶାରେ ମଧ୍ୟ ସୁର ଏବଂ ସାରଥୀ ବାବାଙ୍କ କଳା କାରନାମା ପଦାକୁ ଆସିବା ପରେ ସମସ୍ତ ବାବାଙ୍କ ଉପରେ ଏକ ପ୍ରକାର ପ୍ରଶ୍ନବାଚୀ ସୃଷ୍ଟି ହୋଇଛି । ସାଧୁତାର ପରିଚୟ ଦେଇ ଅସାଧୁ କାର୍ଯ୍ୟକଳାପରେ ଲିପ୍ତ ରହୁଛନ୍ତି ଏହି ଆତ୍ମଘୋଷିତ ବାବା ମାନେ । ତେବେ କଣ ସମସ୍ତ ବାବାଙ୍କ ଆଚରଣ ଓ ଉଚ୍ଚାରଣ ଭିନ୍ନ ? କଣ ସବୁ ବାବାଙ୍କ ଉପରେ ସନ୍ଦେହ କରିବା ଉଚିତ୍ । ଏନେଇ କଣ କୁହନ୍ତି ଆଧ୍ୟାତ୍ମିକ ଗୁରୁ ବାବା ବଳିଆ, ଦେଖନ୍ତୁ ୱାନ୍ ଟୁ ୱାନର ଏହି ଏପିସୋଡରେ ।