ସାର ପାଇଁ ଉତ୍ତେଜନା : ଭଂଜନଗର ସାନକୋଦଣ୍ଡ ପଂଚାୟତ ସେବା ସମବାୟ ସମିତି ଆଗରେ ସାର ପାଇଁ ଦୀର୍ଘ ସମୟ ଅପେକ୍ଷା ପରେ ନିରାଶ ଚାଷୀ; ସାର ନମିଳିବାରୁ କୃଷି ଅଧିକାରୀଙ୍କୁ ଘେରିଲେ ଚାଷୀ
କନକ ବ୍ୟୁରୋ : ସାର ପାଇଁ ଚାଷୀ ହେଉଛନ୍ତି ହଟହଟା । ପୁଣି ଥରେ ଏଭଳି ଚିତ୍ର ଦେଖିବା ମିଳିଛି ଭଂଜନଗର ଅଂଚଳରେ । ସାନକୋଦଣ୍ଡା ପଂଚାୟତର ଯୋଗିମାରିଠାରେ ଥିବା ସେବା ସମୟବାୟ ସମିତିରେ ସାନ ନେବା ପାଇଁ ଚାଷୀଙ୍କ ଲମ୍ବା ଲାଇନ୍ ଦେଖିବାକୁ ମିଳିଛି । ରାତି ୪ଟାରୁ ସେମାନେ ସେଠାରେ ଧାଡିରେ ଠିଆ ହୋଇ ରହିଥିଲେ । ହଜାର ହଜାର ଚାଷୀ ସାର ପାଇଁ ଦୀର୍ଘ ସମୟ ଅପେକ୍ଷା ପରେ ସେବା ସମବାୟ ସମିତିର ସଂପାଦକ ସାର ବିକ୍ରି କରିବା ପାଇଁ ସାହସ କରିପାରିଲେ ନାହିଁ ଏବଂ କୃଷି ଅଧିକାରୀଙ୍କୁ ସୂଚନା ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ଆସିଲେ ସାର ବିକ୍ରି ହେବ ବୋଲି କୃଷି ଅଧିକାରୀ କହିବା ପରେ ସେଠାରେ ଉତେଜନା ପ୍ରକାଶ ପାଇଥିଲା । ସ୍ଥାନୀୟ ଅଂଚଳରେ ସାରର କଳାବଜାରୀ ହେଉଥିବା ବେଳେ ସମବାୟ ସମିତି ଆଗରେ ଲମ୍ବା ଧାଡିରେ ଅପେକ୍ଷା କରିବା ପରେ ମଧ୍ୟ ସେମାନଙ୍କୁ ସାର ମିଳିନାହିଁ । ଏହାକୁ ନେଇ ଉତେଜନା ପ୍ରକାଶ ପାଇଛି ।