କନକ ବ୍ୟୁରୋ: ରାଜ୍ୟରେ ଘନ ଘନ ବିଦ୍ୟୁତ୍ କାଟ ହେଉଥିବା ଅଭିଯୋଗ ହେଉଛି । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ମଧ୍ୟ ବୃଦ୍ଧି ପାଉଛି । ଏହାରି ଭିତରେ ଏକ ନୂଆଦିଲ୍ଲୀ ସ୍ଥିତ ଶକ୍ତି, ପରିବେଶ ଓ ଜଳ ପରିଷଦ ଘରୋଇ କ୍ଷେତ୍ରରେ ଶକ୍ତି ବ୍ୟବହାର ସଂପର୍କରେ ତାର ରିପୋର୍ଟ ପ୍ରକାଶ କରିଛି । କାଉନ୍ସିଲ୍ ଅନ୍ ଏନର୍ଜି, ଏନ୍ଭାୟରନମେଂଟ ଏଣ୍ଡ ୱାଟର ୨୦୨୦ ରିପୋର୍ଟ ଅନୁସାରେ ଭାରତର କୌଣସି ରାଜ୍ୟ ପାୱାର କଟ୍ରୁ ମୁକ୍ତ ନୁହଁ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଉଦ୍ବେଗର ବିଷୟ ହେଉଛି ଓଡ଼ିଶାର ଗ୍ରାମାଂଚଳର ପାୱାର କଟ୍ ଜାତୀୟ ହାରାହାରି ପାୱାର କଟ୍ ସମୟ ଅବଧିଠାରୁ ଅଧିକ । ଜାତୀୟସ୍ତରରେ ସହରାଂଚଳରେ ଦିନକୁ ହାରାହାରି ୧ ଘଂଟା ୪୦ ମିନିଟ୍ ପାୱାର କଟ୍ ହେଉଥିବା ବେଳେ ଗ୍ରାମାଂଚଳରେ ୪ ଘଂଟା ବିଦ୍ୟୁତ୍ କାଟ୍ ହେଉଛି । ଓଡ଼ିଶାରେ କିନ୍ତୁ ଗ୍ରାମାଂଚଳରେ ଦିନକୁ ୪ ଘଂଟା ୧୦ ମିନିଟ୍ ବିଦ୍ୟୁତ୍ କାଟ କରାଯାଉଛି । ହେଲେ ସାରାଂଚଳରେ ଜାତୀୟ ହାରଠାରୁ ସାମାନ୍ୟ କମ୍ ଅର୍ଥାତ୍ ୧ ଘଂଟା ୩୦ ମିନିଟ୍ ପାଖାପାଖି ଲୋକ ଅନ୍ଧାରରେ ରହୁଛନ୍ତି । ତଥ୍ୟ ଅନୁସାରେ ଓଡ଼ିଶାରେ ଗ୍ରୀଷ୍ମ ଋତୁରେ ସର୍ବୋଚ୍ଚ ବିଦ୍ୟୁତ୍ ଚାହିଦା ୫ ହଜାର ୫ ଶହ ମେଗାୱାଟ୍ ରହୁଛି । ରାଜ୍ୟରେ ବିଭିନ୍ନ ସୂତ୍ରରୁ ପ୍ରାୟ ୬ ହଜାର ୫ ଶହ ମେଗାୱାଟ୍ ବିଦ୍ୟୁତ୍ ଉପଲବ୍ଧ ରହିଛି । ଓଡ଼ିଶା ଜଳ ବିଦ୍ୟୁତ୍ ନିଗମର କ୍ଷମତା ୨୧ ଶହ ମେଗାୱାଟ୍ । ଏହି ସଂସ୍ଥା ଅତିକମ୍ରେ ୧୫ ଶହ ମେଗାୱାଟ୍ ବିଦ୍ୟୁତତ୍ ଉତ୍ପାଦନ କରିବାର ସାମର୍ଥ୍ୟ ରଖେ ।