ନିଜ ଦେହରେ ଛୁରି ଭୁଷିବା ପରେ କେମିତି ପେଟ୍ରୋଲ ଢ଼ାଳି ଜଣେ ଆତ୍ମହତ୍ୟା କରିବ ! ଉନ୍ମୟ ପାଢ଼ୀ ମୃତ୍ୟୁ ମାମଲାର ତଦନ୍ତକୁ ନେଇ ସନ୍ଦେହ କଲେ ପୂର୍ବତନ ପୋଲିସ ଡ଼ିଜି
କନକ ବ୍ୟୁରୋ : ହତ୍ୟା ନୁହେଁ ଆତ୍ମହତ୍ୟା କହି ବହୁଚର୍ଚ୍ଚିତ ଉନ୍ମୟ ପାଢ଼ୀ ମୃତ୍ୟୁ ମାମଲାରେ ପୁଲିସ୍ ପୂର୍ଣ୍ଣଚ୍ଚେଦ ପକାଇ ଦେଇଥିବା ବେଳେ ତଦନ୍ତ ପ୍ରକ୍ରିୟାକୁ ନେଇ ସନ୍ଦେହ ପ୍ରକାଶ କରିଛନ୍ତି ପୂର୍ବତନ ପୁଲିସ୍ ଡିଜି ସଂଜୀବ ମାରିକ୍ । ମୃତ୍ୟୁକୁ ନେଇ ଅନେକ ପ୍ରଶ୍ନ ଉଠୁଥିବା ବେଳେ ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠାଇଛନ୍ତି ମାରିକ୍ । କହିଛନ୍ତି- ଜଣେ ବ୍ୟକ୍ତି ନିଜ ହାତରେ ଛୁରୀ ଭୁଷିବା ପରେ, କେମିତି ପେଟ୍ରାଲ ଢାଳି ହୋଇ ନିଆଁ ଲଗାଇଲା ।
Kanak News is now on WhatsApp
Join and get latest news updates delivered to you via WhatsApp
ଉନ୍ମୟ ପାଢ଼ୀ ଘଟଣାରେ ପୁଲିସ କମିଶନରଙ୍କ ଯୋଗେଶ ବାହାଦୂର ଖୁରାନିଆଙ୍କ ପ୍ରତିକ୍ରିୟାକୁ ନେଇ ପ୍ରଶ୍ନ ଉଠାଇଛନ୍ତି ପୁର୍ବତନ ପୁଲିସ ଡିଜି ସଂଜୀବ ମାରିକ । ବହୁଚର୍ଚ୍ଚିତ ଉନ୍ମୟ ପାଢୀ ମୃତ୍ୟୁ ଘଟଣାକୁ ପୁଲିସ ଆତ୍ମହତ୍ୟାର ରୁପ ଦେଇ ମାମଲାରେ ଡୋରି ବାନ୍ଧିବାକୁ ବସିଥିବା ବେଳେ, ତଦନ୍ତ ପ୍ରକ୍ରିୟାକୁ ନେଇ ସନ୍ଦେହ କରିଛନ୍ତି ମାରିକ । ଉନ୍ମୟ ପାଢୀ ଘଟଣା ଆଦୌ ଆତ୍ମହତ୍ୟା ନୁହେଁ ବରଂ ଏହା ଏକ ହତ୍ୟାକାଣ୍ଡ ବୋଲି ପ୍ରଶ୍ନ ଉଠାଇଛନ୍ତି । ଜଣେ ବ୍ୟକ୍ତି ନିଜ ହାତରେ ଛୁରୀ ଭୁଷିବା ପରେ, ପେଟ୍ରାଲ ଢାଳି ହୋଇ ନିଆଁ ଲଗାଇବା ସଂପୁର୍ଣ୍ଣ ଅସମ୍ଭବ ବୋଲି ଯୁକ୍ତି କରିଛନ୍ତି ।
ଏହି ଘଟଣାକୁ ନେଇ ଉପରିସ୍ଥ କୋର୍ଟର ଦ୍ୱାରସ୍ଥ ହେବେ ବୋଲି କହିଛନ୍ତି ମୃତ ଉନ୍ମୟଙ୍କ ଓକିଲ । ପୁଲିସ ଏହି ଘଟଣାରେ ଆତ୍ମହତ୍ୟା ସମ୍ବଳିତ କଣ ସବୁ ପ୍ରମାଣ ହାତେଇଛି ସେନେଇ ପ୍ରଶ୍ନ ଉଠାଇଛନ୍ତି । ଅନ୍ୟପଟେ ଯଦି ଉନ୍ମୟଙ୍କ ଦେହରେ ଲାଗିଥିବା ଛୁରୀ ପୁଲିସ ଜବତ କରିଛି ତେବେ ପୋଟ୍ରାଲ ଆଣିଥିବା ପାତ୍ର ଏବଂ ନିଆଁ ଲଗାଇଥିବା ଦିଆସିଲି ଆଦି କାହିଁକି ଜବତ କରାଯାଇନି । ତଦନ୍ତରେ ଫେଲ୍ ମାରିଥିବା ପୁଲିସ ଏହାକୁ ଆତ୍ମତ୍ୟାର ରୁପ ଦେଉଛି ବୋଲି ସେ କହିଛନ୍ତି । ଉନ୍ମୟ ପାଢୀ ମୃତ୍ୟୁ ଘଟଣାକୁ ପୁଲିସ ଆତ୍ମହତ୍ୟାର ରୁପ ଦେଇ ସାରିଥିବା ବେଳେ, ଜନ ସାଧାରଣ ଏହାକୁ ସହଜରେ ଗ୍ରହଣ କରି ପାରୁ ନାହାଁନ୍ତି ।