ଫିଲ୍ମ ଇଣ୍ଡଷ୍ଟ୍ରିରୁ ବିଦାୟ ନେଲେ ‘ବିଗ୍ ବସ୍’ ପ୍ରତିଯୋଗୀ ସନା ଖାନ୍ : ଇନଷ୍ଟାଗ୍ରାମ ପୋଷ୍ଟରେ ଲେଖିଲେ ଏଭଳି କଥା… ସୋସିଆଲ ମିଡିଆରୁ ହଟାଇ ଦେଲେ ଫଟୋ ଓ ଭିଡିଓ
କନକ ବ୍ୟୁରୋ : ଫିଲ୍ମ ଇଣ୍ଡଷ୍ଟ୍ରିରୁ ବିଦାୟ ନେବେ ଟେଲିଭିଜନ ଅଭିନେତ୍ରୀ ତଥା ପୂର୍ବତନ ‘ବିଗ୍ ବସ୍’ ପ୍ରତିଯୋଗୀ ସନା ଖାନ୍ । ଏହାକୁ ନେଇ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ଶେୟାର କରିଛନ୍ତି ସନା । ଗ୍ଲାମର ଦୁନିଆକୁ ବିଦାୟ ଦେବାର ନିଷ୍ପତ୍ତି ପଛରେ ଧାର୍ମିକ କାରଣ ଥିବା ସନା ଉଲ୍ଲେଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସନା ତାଙ୍କ ପୋଷ୍ଟରେ କହିଛନ୍ତି ଯେ, ମନୋରଞ୍ଜନ ଶିଳ୍ପ ତାଙ୍କୁ ‘ସମସ୍ତ ପ୍ରକାର ଖ୍ୟାତି, ସମ୍ମାନ ଏବଂ ଧନ’ ଦେଇଛି । କିନ୍ତୁ ସେ ହୃଦୟଙ୍ଗମ କରିଛନ୍ତି ଯେ ସେ ‘ଧନ ଏବଂ ଖ୍ୟାତି’ କରିବା ତାଙ୍କର ଏକମାତ୍ର ଲକ୍ଷ୍ୟ ନୁହେଁ । ଆହୁରି ମଧ୍ୟ କହିଛନ୍ତି ଯେ ବର୍ତ୍ତମାନଠାରୁ ସେ ‘ମାନବିକତାର ସେବା କରିବେ ଏବଂ ତାଙ୍କ ସୃଷ୍ଟିକର୍ତ୍ତାଙ୍କ ଆଦେଶ ପାଳନ କରିବେ’ । ସବୁଠାରୁ ବଡ କଥା ହେଉଛି କି, ସାନା ନିଜ ସୋସିଆଲ ମିଡିଆ ଆକାଉଣ୍ଟରୁ ସୁଟ୍ ସମୟର ଅନେକ ଫଟୋ ଓ ଭିଡିଓ ଡିଲେଟ୍ ମଧ୍ୟ କରିଛନ୍ତି ।
୩୩ ବର୍ଷୀୟା ସନା ଖାନ ବିଭିନ୍ନ ଭାଷାରେ ୧୪ଟି ଫିଲ୍ମରେ ଅଭିନୟ କରିଛନ୍ତି । ଏଥି ସହିତ ୫୦ରୁ ଅଧିକ ବିଜ୍ଞାପନ ଚଳଚ୍ଚିତ୍ରରେ ମଧ୍ୟ ନିଜ ଅଭିନୟର ଯାଦୁ ଦେଖାଇଛନ୍ତି । ସନା ୨୦୦୫ରେ ସ୍ୱଳ୍ପ ବଜେଟରେ ନିର୍ମିତ ହିନ୍ଦୀ ଫିଲ୍ମ ‘ ୟେ ହେ ହାଇ ସୋସାଇଟି ‘ ଜରିଆରେ ନିଜ କଯାରିୟର ଆରମ୍ଭ କରିଥିଲେ । ପରେ ବଲିଉଡରେ ହାଲ୍ଲା ବୋଲ, ଜୟ ହୋ, ୱାଜା ତୁମ୍ ହୋ ଏବଂ ଟଏଲେଟ – ଏକ ପ୍ରେମ ଭଳି ଫିଲ୍ମରେ ନିଜ ଅଭିନୟର ଛାପ ଛାଡିଛନ୍ତି । କେବଳ ସେତିକି ନୁହେଁ, ରିଆଲିଟି ସୋ ଖତରୋନ କେ ଖୀଲାଡିରେ ମଧ୍ୟ ଭାଗ ନେଇଥିଲେ । ୨୦୧୨ ରେ ବିଗ୍ ବସର ଷଷ୍ଠ ସିଜନରେ ପ୍ରତିଯୋଗୀ ହୋଇଥିଲେ ଏବଂ ଫାଇନାଲିଷ୍ଟ ହୋଇଥିଲେ । କେବଳ ହିନ୍ଦୀ ଫିଲ୍ମ ନୁହେଁ ସନା ଖାନ ତାମିଲ ଓ ତେଲୁଗୁ ଚଳଚ୍ଚିତ୍ର ସିଲାମ୍ବାଟମ୍, ଥାମ୍ବିକ୍କୁ ଇନ୍ଦା ଓରୁ, ଶ୍ରୀ ନୋକାୟା ଏବଂ ଥାଲାଇଭାନ୍ ଭଳି ଫିଲ୍ମରେ ମଧ୍ୟ କାମ କରିଛନ୍ତି ।