ପୁଣି ଅଲୋଡା ଶିଶୁ କନ୍ୟା ! ବଣାଇ ବିଷ୍ଣୁଡିହି ଗାଁରୁ ମାଟି ତଳୁ ଦିନକର ଶିଶୁ କନ୍ୟା ଉଦ୍ଧାର, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
କନକ ବ୍ୟୁରୋ: ପୁଣି ଅଲୋଡା ଶିଶୁ କନ୍ୟା । ମାଟି ତଳୁ ଶିଶୁ କନ୍ୟା ଉଦ୍ଧାର । ନାଳ ନିକଟରେ ମାଟି ତଳେ ପୋତାଯାଇଥିବା ଦିନକର ଛୁଆକୁ ଉଦ୍ଧାର କରାଯାଇଛି । ବଣାଇ ଟିକାୟତପାଲ୍ଲୀ ଥାନା ବିଷ୍ଣୁଡିହି ଗାଁର ଏହି ଘଟଣା ଘଟିଛି । ଶିଶୁ କନ୍ୟାଟି ଗୁରୁତର ଥିବା ବେଳେ ବଣାଇ ଉପଖଣ୍ଡ ଚିକିତ୍ସାଳୟରେ ଭର୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି କେତେକ ଲୋକେ ସାନଝରଣ ନାଳ ଦେଇ ଯାଉଥିବା ବେଳେ ଏକ ଶିଶୁର କୁଆଁ କୁଆଁ କାନ୍ଦ ଶୁଣିବାକୁ ପାଇଥିଲେ । ସଙ୍ଗେସଙ୍ଗେ ଲୋକେ ସେଠାରେ ପହଞ୍ଚି ଯାହା ଦେଖିଥିଲେ ସେଥିରେ ସେମାନଙ୍କର ଆଶ୍ଚର୍ୟ୍ୟର ସୀମା ରହି ନ ଥିଲା । କେହି ଜଣେ ଏକ ନବଜାତ ଶୁଶୁକୁ ବାଲିରେ ଶରୀରର ଅର୍ଦ୍ଧାଧିକ ପୋତି ଦେଇ ଚାଲି ଯାଇଥିବା ଦେଖିବାକୁ ମିଳିଥିଲା । ଆଜି ଭୋରରୁ କେହି ଏପରି କାଣ୍ଡ କରିଥିବା ସନ୍ଦେହ କରାଯାଉଛି। ତେବେ ଲୋକେ ବାଲି ଖୋଲି ଶିଶୁଟିକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ବର୍ତ୍ତମାନ ଶିଶୁଟି ସୁସ୍ଥ ଥିବା ଜଣାପଡ଼ିଛି ।