ଆସାମରେ ଭୋଟ୍ ସରିବା ପରେ ଇଭିଏମକୁ ନେଇ ତେଜିଲା ରାଜନୀତି : ବିଜେପି ପ୍ରାର୍ଥୀଙ୍କ କାରରେ ଇଭିଏମ୍ ଯାଉଥିବା ଭିଡିଓ ଭାଇରାଲ
ନିର୍ବାଚନ ଅଧିକାରୀଙ୍କୁ ଟୁଇଟ୍ କରି କାର୍ଯ୍ୟାନୁଷ୍ଠାନ ଦାବି କଲେ ପ୍ରିୟଙ୍କା; ନିର୍ବାଚନ ଦାୟିତ୍ୱରେ ଥିବା ଅଧିକାରୀଙ୍କୁ ରିପୋର୍ଟ ମାଗିଲେ ଇସି
କନକ ବ୍ୟୁରୋ : ଆସାମରେ ଏବେ ଦ୍ୱିତୀୟ ପର୍ଯ୍ୟାୟ ମତଦାନ ପରେ ଇଭିଏମ୍ ମେସିନକୁ ନେଇ ସୃଷ୍ଟି ହୋଇଛି ବିବାଦ । ଏହାକୁ ନେଇ ନିର୍ବାଚନ କମିଶନଙ୍କୁ ଟୁଇଟ୍ କରି ଅଭିଯୋଗ କରିଛନ୍ତି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧି । ଆସାମର କରିମଗଂଜ ଅଂଚଳରେ କାରରୁ ମିଳିଲା ଇଭିଏମ୍ । ଗତକାଲି ଆସାମରେ ଦ୍ୱିତୀୟ ପର୍ଯ୍ୟାୟ ମତଦାନ ସରିଥିଲା । ଏଠାରେ ପ୍ରାୟ ୭୬ ପ୍ରତିଶତରୁ ଅଧିକ ମତଦାନ ହୋଇଥିବା ଇସି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରି ସ୍ଥିତିରେ ଏବେ ସୋସିଆଲ୍ ମିଡିଆରେ କରିମଗଂଜରେ କାର ଭିତରେ ଇଭିଏମ୍ ଯାଉଥିବା ଭିଡିଓ ଭାଇରାଲ ହୋଇଛି । ଏହି ଘଟଣାକୁ ନେଇ ନିର୍ବାଚନ ଅଧିକାରୀଙ୍କ ଠାରୁ ବିସ୍ତୃତ ରିପୋର୍ଟ ମାଗିଛନ୍ତି ନିର୍ବାଚନ ଆୟୋଗ । ସେପଟେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଆସାମରେ ସମସ୍ତ ରାଜନୈତିକ ଦଳ ଗୁଡିକୁ ସମସ୍ତ ଇଭିଏମର ପୁନଃଗଣନା ପାଇଁ ଦାବି କରିଛନ୍ତି । ପ୍ରାଥମିକ ଯାଂଚରୁ ଜଣାପଡିଛି ଇଭିଏମ୍ ଥିବା କାର ଟି ଆସାମର ପଥରକଂଡି ଆସନର ବିଜେପି ପ୍ରାର୍ଥୀ କୃଷ୍ଣେନ୍ଦୁ ପାଲଙ୍କର ।
ଲୋକଙ୍କ ଅଭିଯୋଗ ପରେ ଯେତେବେଳେ ନିର୍ବାଚନ ଦାୟିତ୍ୱରେ ଥିବା ଅଧିକାରୀ ସେହି କାର ନିକଟରେ ପହଁଚିଥିଲେ, ନିର୍ବାଚନ ଆୟୋଗର କୌଣସି କର୍ମଚାରୀ ସେହି ଠାରେ ନଥିଲେ । ଏହା ପରେ ନିର୍ବାଚନ ଦାୟିତ୍ୱରେ ଥିବା ଜିଲ୍ଲା ମାଜି ଷ୍ଟ୍ରେଟଙ୍କୁ ରିପୋର୍ଟ ମାଗିଛନ୍ତି ନିର୍ବାଚନ ଆୟୋଗ ।