ତେହେରାନର କୁଖ୍ୟାତ ଜେଲରେ ଭୀଷଣ ନିଆଁ: ବାହାରେ କଏଦୀଙ୍କ ସମ୍ପର୍କୀୟଙ୍କ ଭିଡ
କନକ ବ୍ୟୁରୋ: ଇରାନର ରାଜଧାନୀ ତେହେରାନର ଏଭିନ୍ କାରାଗାରରେ ଭଷେଣ ଅଗ୍ନିକାଣ୍ଡ ଘଟିଛି । ରାଜନୈତିକ ବନ୍ଦୀମାନଙ୍କୁ ରଖିବା ପାଇଁ ଏହି ଜେଲକୁ ସବୁଠାରୁ ପ୍ରମୁଖ ସ୍ଥାନ ବୋଲି ବିବେଚନା କରାଯାଏ । ସୋସିଆଲ ମିଡିଆରେ ପୋଷ୍ଟ ହୋଇଥିବା ଫୁଟେଜରେ ଜେଲରୁ ନିଆଁ ଏବଂ ଧୂଆଁ ବାହାରୁଥିବା ଦେଖାଯାଇଛି। ଫଳରେ ଜେଲର ଫାଟକ ବାହାରେ କଏଦୀମାନଙ୍କ ସମ୍ପର୍କୀୟଙ୍କର ଭିଡ ଜମିଥିବା ଜଣାପଡିଛି । ନିଆଁ ଲାଗିଥିବାବେଳେ ଜେଲ ଭିତରୁ ଗୁଳିମାଡର ଶବ୍ଦ ଶୁଣାଯାଉଥବାରୁ କଲଦୀଙ୍କ ସମ୍ପର୍କୀୟ ଭୟଭୀତ ଅବସ୍ଥାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ, ଜେଲରେ ଅଗ୍ନିକାଣ୍ଡ ଏପରି ଏକ ସମୟରେ ଘଟିଛି ଯେତେବେଳେ ହିଜାବକୁ ନେଇ ଦେଶରେ ଅଶାନ୍ତି ଲାଗିରହିଛି । ସେପ୍ଟେମ୍ବରରେ ୨୨ ବର୍ଷୀୟ ମହସା ଅମିନିଙ୍କ ମୃତ୍ୟୁ ପରଠାରୁ ଚାରିଆଡେ ବିକ୍ଷୋଭ ପ୍ରଦର୍ଶନ ହେଉଛି । ବିକ୍ଷୋଭ କରି ଅଟକ ଥିବା ଶହ ଶହ ଲୋକଙ୍କୁ ଏଭିନ୍ କାରାଗାରକୁ ପଠାଯାଇଥିବା ଜଣାଯାଇଛି। ଏଭଳି ପରିସ୍ଥିତିରେ ଜେଲରେ ନିଆଁ ଲାଗିଥିବାରୁ ସେମାନଙ୍କ ଜୀବନ ପ୍ରତି ବିପଦ ଥିବା ନେଇ ଭୟ ସୃଷ୍ଟି ହୋଇଛି ।
ଏହି ସମୟରେ, ଆଲିନେଜାଦ ପାଶ୍ଚାତ୍ୟ ଦେଶଗୁଡ଼ିକୁ ଅନୁରୋଧ କରିଥିଲେ ଯେଉଁମାନଙ୍କର ନାଗରିକମାନେ ଏଭିନ୍ ଜେଲରେ ଅଛନ୍ତି ସେମାନେ ତୁରନ୍ତ ଇରାନ କର୍ତ୍ତୃପକ୍ଷଙ୍କଠାରୁ ଏ ବିଷୟରେ ସୂଚନା ମାଗିବା ଉଚିତ୍ । ବ୍ରିଟେନ, ଆମେରିକା, ସ୍ୱିଡେନ, ଜର୍ମାନୀ, ଫ୍ରାନ୍ସ, ବେଲଜିୟମ ଏବଂ ଅନ୍ୟ ଦେଶର ନାଗରିକମାନଙ୍କୁ ଏଭିନ ଜେଲରେ ରଖାଯାଇଛି। ଅଗ୍ନିକାଣ୍ଡ ପାଇଁ ଅପରାଧିକ କାରଣ ଦାୟୀ ବୋଲି କୁହାଯାଇଛି ।
ତେବେ ତେହେରାନ ଉପକଣ୍ଠରେ ଥିବା କାରାଗାରରେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ। ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ।ଜେଲରେ କଏଦୀଙ୍କ ଉଦ୍ଧାର କାର୍ଯ୍ୟ ପାଇଁ ସ୍ୱତନ୍ତ୍ର ବାହିନୀ ମୁତୟନ କରାଯାଇଥିବା ଜଣାପଡିଛି ।