ସୁପ୍ରିମକୋର୍ଟଙ୍କ ଐତିହାସିକ ରାୟ, ଦେଶର ମହିଳାମାନଙ୍କ ଅଧିକାରକୁ ନେଇ କୋର୍ଟ କହିଲେ ଏଭଳି କଥା
କନକ ବ୍ୟୁରୋ : ଦେଶରେ ମହିଳାମାନଙ୍କର ଅଧିକାରକୁ ନେଇ ଆଜି ସୁପ୍ରିମକୋର୍ଟ ଏକ ଐତିହାସିକ ରାୟ ଶୁଣାଇଛନ୍ତି । କୋର୍ଟଙ୍କ ରାୟ ମୁତାବକ ଦେଶର ସମସ୍ତ ମହିଳାମାନଙ୍କର ଗର୍ଭପାତ ଅଧିକାର ରହିଛି । ସେ ବିବାହିତ ହୁଅନ୍ତୁ ବା ଅବିବାହିତ କୌଣସି ମହିଳା ଗର୍ଭପାତ କରାଇପାରିବେ । ଗର୍ଭପାତ ପାଇଁ ମେଡିକାଲ ଟର୍ମିନେସନ ଅଡ଼ ପ୍ରେଗ୍ନେସି (ଏମଟିପି) ଆଇନ ଆଧାରରେ ସ୍ୱାମୀଙ୍କ ଦ୍ୱାରା ଜୋର ଜବରଦସ୍ତ ଯୌନ ସଂପର୍କକୁ ଦୁଷ୍କର୍ମ ବୋଲି ବିବେଚନା କରାଯିବ ବୋଲି କୋର୍ଟ ମଧ୍ୟ କହିଛନ୍ତି । ଏମଟିପି ଆଇନ ଆଧାରରେ ବିବାହିତ କିମ୍ବା ଅବିବାହିତ ମହିଳାଙ୍କ ମଧ୍ୟରେ ସମ୍ବିଧାନ ପ୍ରାଚୀର ହୋଇ ଠିଆ ହୋଇପାରିବ ନାହିଁ । ଏହି କ୍ରମରେ ଜଣେ ମହିଳା ଗର୍ଭଧାରଣ କରିବାର ୨୪ ସପ୍ତାହ ମଧ୍ୟରେ ଗର୍ଭପାତ କରାଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏକ ମାମଲାର ଶୁଣାଣି କରି ଜଷ୍ଟିସ ଡି ୱାଇ ଚନ୍ଦ୍ରଚୁଡଙ୍କ ବେଞ୍ଚ କହିଛନ୍ତି କି ଜଣେ ବିବାହିତ ମହିଳାଙ୍କୁ ଗର୍ଭପାତ ଅଧିକାର ଦେବା ଓ ଜଣେ ଅବିବାହିତ ମହିଳାଙ୍କୁ ଏଥିରୁ ବଞ୍ଚିତ କରାଯାଇ ପାରିବ ନାହିଁ । ଏଭଳି ହେଲେ ଏହା ଅନୁଛେଦ ୧୪ କ୍ରମରେ ସମାନତା ଅଧିକାରର ଉଲଙ୍ଘନ ବୋଲି ବେଞ୍ଚ କହିଛନ୍ତି ।
ଜଣେ ୨୫ ବର୍ଷିୟା ଅବିବାହିତ ମହିଳା ଏନେଇ ସୁପ୍ରିମକୋର୍ଟର ଦ୍ୱାରସ୍ଥ ହୋଇଥିଲେ । ସେ ୨୪ ସପ୍ତାହ ମଧ୍ୟରେ ଗର୍ଭପାତ କରିବାକୁ ନେଇ କୋର୍ଟଙ୍କ ଅନୁମତି ମାଗିଥିଲେ । ପ୍ରଥମେ ଏହି ମାମଲାକୁ ଦିଲ୍ଲୀ ହାଇକୋର୍ଟ ଅଗ୍ରାହ୍ୟ କରିଦେଇଥିଲେ । ଏହାପରେ ମହିଳା ଜଣଙ୍କ ଉର୍ଚ୍ଚ ନ୍ୟାୟଳରେ ଆବେଦନ କରିଥିଲେ ।