ଏଭରେଷ୍ଟକୁ ନେଇ ବଢୁଛି ବିବାଦ ! ମାତ୍ରାଧିକ ପର୍ବତାରୋହୀଙ୍କ ସମାଗମ ନେଇ ନେପାଳ ସରକାରଙ୍କୁ ବରିଷ୍ଠ ପର୍ବାତାରୋହୀଙ୍କ ସମାଲୋଚନା । କହିଲେ, ଏଭରେଷ୍ଟ ପାଲଟିଛି ଚିଡିଆଖାନା ।
କନକ ବ୍ୟୁରୋ : ଓଡିଶାର ବିଶିଷ୍ଟ ପର୍ବତାରୋହୀ କଳ୍ପନା ଦାଶଙ୍କ ଏଭରେଷ୍ଟରେ ମୃତ୍ୟୁ ଘଟିବାକୁ ନେଇ ରାଜ୍ୟ ତଥା ସାରାଦେଶରେ ଚର୍ଚ୍ଚା ହେଉଥିବା ବେଳେ ଏନେଇ ବିଦେଶରେ ମଧ୍ୟ ପ୍ରତିକ୍ରିୟା ପ୍ରକାଶ ପାଇଛି । ଏଭରେଷ୍ଟ ଚଢିବା ପାଇଁ ଖରା ଦିନ ଅନୁକୂଳ । ତେଣୁ ଏହି ସମୟରେ ବହୁ ସଂଖ୍ୟାରେ ପର୍ବତାରୋହୀ ନେପାଳରେ ଭିଡ ଜମାନ୍ତି । ଖର୍ଚ୍ଚ ବହୁଳ ଏହି ଅଭିଯାନ ପାଇଁ ବେଶ କିଛି ରାଜସ୍ୱ ଆଦାୟ କରେ ନେପାଳ ସରକାର । ଏହାକୁ ନେଇ କଡା ପ୍ରତିକ୍ରିୟା ପ୍ରକାଶ କରିଛନ୍ତି କିଛି ବିଦେଶୀ ତଥା ବରିଷ୍ଠ ପର୍ବତାରୋହୀ ।
Kanak News is now on WhatsApp
Join and get latest news updates delivered to you via WhatsApp
କିଏ ଏବଂ କେତେ ଜଣ ଏଭରେଷ୍ଟ ଚଢିବା ପାଇଁ ଯିବେ ସେନେଇ ନେପାଳ ସରକାରଙ୍କ କୌଣସି କଟକଣା ନାହିଁ ବୋଲି ଅଭିଯୋଗ କରିଛନ୍ତି ଏରିଜୋଆନାରେ ବିଶିଷ୍ଟ ପର୍ବତାରୋହୀ ଏଡ୍ ଡୋହରିଂ । ତାଙ୍କ ମତରେ ଅନଭିଜ୍ଞ ଓ ମାତ୍ରାଧିକ ବୟସ୍କ ବ୍ୟକ୍ତିଙ୍କୁ ଏଭଳି ସୁଯୋଗ ଦେଇ ବିପଦ ସୃଷ୍ଟି କରାଯାଉଛି । ଏହା ସହ ସେ କହିଛନ୍ତି, ମାତ୍ର ୨ଟି ଟେବୁଲ ଟେନିସ ବୋର୍ଡ ପରି ସ୍ଥାନ ଶୀର୍ଷରେ ରହିଥିବା ବେଳେ ସେଠାରେ ସେଲଫି ନେବା ପାଇଁ ଧସ୍ତାଧସ୍ତି ଦେଖିବାକୁ ମିଳେ । ଏକ ସମୟରେ ୨୦ରୁ ୩୦ ଜଣ ଲୋକ ସେଠାରେ ଭିଡ ଜମାଇଥାନ୍ତି । ଏହା ବିପଦଜନକ ବୋଲି ସେ ମତ ରଖିଛନ୍ତି । ଏଭରେଷ୍ଟ ବର୍ତମାନ ଯେମିତି ଏକ ଚିଡିଆଖାନା ବୋଲି କଟାକ୍ଷ କରିଛନ୍ତି ଡୋହରିଂ ।