ଟେଲିପ୍ରମ୍ପଟର ବନ୍ଦ ହୋଇଯିବାରୁ ଭାଷଣ ଭୁଲିଗଲେ ପ୍ରଧାନମନ୍ତ୍ରୀ, ଭିଡିଓ ଭାଇରାଲ ପରେ ରାହୁଲ ଗାନ୍ଧୀ କହିଲେ ଏଭଳି କଥା
କନକ ବ୍ୟୁରୋ : ନିଜ କଥା କହିବା ଶୈଳୀ ଓ ଭାଷଣ ମାଧ୍ୟମରେ ଲୋକଙ୍କ ମନ ଜିଣିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବେ ସେହି ଭାଷଣକୁ ନେଇ ସାରା ଦେଶରେ ସମାଲୋଚିତ ହେଉଛନ୍ତି । ବିା୍ବ ଅର୍ଥନୈତିକ ଫୋରମରେ ଭାଷଣ ଦେଉଥିବା ବେଳେ ଟେଲିପ୍ରମ୍ପଟର ବନ୍ଦ ହୋଇଯିବାରୁ ପ୍ରଧାନମନ୍ତ୍ରୀଙ୍କ ଭାଷଣରେ ବ୍ୟାଘାତ ସୃଷ୍ଟି ହୋଇଥିଲା । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଭାଇରାଲ ଭିଡିଓରେ ଦେଖିବାକୁ ମିଳିଛି କି ପ୍ରଧାନମନ୍ତ୍ରୀ ମୋଦୀ ଭାଷଣ ଦେଉଥିବା ବେଳେ ଟେଲିପ୍ରମ୍ପଟରରେ କିଛି ଗଡବଡ ଦେଖା ଦେଇଛି । ଏହାପରେ ପ୍ରଧାନମନ୍ତ୍ରୀ ତାଙ୍କ ଭାଷଣ ସମୟରେ କେବଳ ଡାହାଣ କାନ ଓ ବାମ କାନରେ ଲାଗିଥିବା ମାଇକକୁ ଏପଟ ସେପଟ କରୁଛନ୍ତି । ଏହାର କିଛି ସେକେଣ୍ଡ ପରେ ସେ ସ୍ୱାଭାବିକ ଭାବେ ତାଙ୍କର ଭାଷଣ ଆରମ୍ଭ କରୁଛନ୍ତି । ଏହି ଭିଡିଓ ଭାଇରାଲ ହେବା ପରେ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରି ରାହୁଲ ଗାନ୍ଧୀ ଏକ ଟ୍ୱିଟ୍ କରିଛନ୍ତି । ସେ ଲେଖିଛନ୍ତି କି ଏତେ ମିଛ ଟେଲିପ୍ରମ୍ପଟର ବି ସହିପାରିଲା ନାହିଁ ।
କେବଳ ରାହୁଲ ଗାନ୍ଧୀ ଏହି କଥା କହିନାହାଁନ୍ତି, ସେ କିଛିଦିନ ତଳେ ମୋଦୀଙ୍କୁ ନେଇ କହିଥିବା କଥାର ଏକ ଭିଡିଓ ମଧ୍ୟ ଭାଇରାଲ କରିଛନ୍ତି । ଏହି ଭିଡିଓରେ ରାହୁଲ ଗାନ୍ଧୀ କହୁଛନ୍ତି କି, ନରେନ୍ଦ୍ର ମୋଦୀଙ୍କ ପାଖରେ କହିବାକୁ କିଛି ନାହିଁ, କେବଳ ଟେଲିପ୍ରମ୍ପଟର ସହାୟତାରେ ପ୍ରଧାନମନ୍ତ୍ରୀ ଭାଷଣ ଦେଉଛନ୍ତି । ଟେଲି ପ୍ରମ୍ପଟର ବିନା ପ୍ରଧାନମନ୍ତ୍ରୀ କିଛି କହିପାରିବେ ନାହିଁ ବୋଲି ରାହୁଲ ଗାନ୍ଧୀ ଏହି ଭିଡିଓରେ ଦାବି କରୁଛନ୍ତି ।