ବହୁ ଚର୍ଚ୍ଚିତ ପିହୁ ନିଖୋଜ ଘଟଣା । ସାଢେ ଚାରି ବର୍ଷ ପରେ ବି ମିଳୁନି ଝିଅର ଠିକଣା । ଭୋଟ ବର୍ଜନର ଚେତାବନୀ ଦେଲେ ପରିବାର ଲୋକେ ।
କନକବ୍ୟୁରୋ :ସାଢେ ଚାରି ବର୍ଷ ପରେ ବି ମିଳୁନି ଝିଅର ଠିକଣା, ଭୋଟ ବର୍ଜନର ଚେତାବନୀ ଦେଲେ ପରିବାର ଲୋକ । ରାଜ୍ୟର ବହୁ ଚର୍ଚ୍ଚିତ ପିହୁ ନିଖୋଜ ଘଟଣାରେ ଭୋଟ ଦାନ ପ୍ରକ୍ରିୟାରୁ ଦୂରେଇ ରହିବାକୁ ନିଷ୍ପତି ନେଇଥିବା କହିଛନ୍ତି ପିହୁର ମା ମୋନାଲିସା ନାୟକ । ୨୦୨୦ ମସିହା ଅଗଷ୍ଟ ୯ ତାରିଖରେ ଗାଁ ଦାଣ୍ଡରେ ଖେଳୁଥିବା ସମୟରେ ନିଖୋଜ ହୋଇଥିଲା ପିହୁ । ସାଢେ ୪ ବର୍ଷ ହେବ ଝିଅର ପତା ମିଳୁନଥିବା ବେଳେ ଏଥିପାଇଁ ସରକାର ଓ ପୋଲିସ ବିଭାଗର ଉଦାସୀନତା ଦାୟୀ ।
Kanak News is now on WhatsApp
Join and get latest news updates delivered to you via WhatsApp
ବର୍ଷ ବର୍ଷ ଧରି ସରକାରୀ ଅଫିସରୁ ନେଇ ଥାନାକୁ ଦୌଡି ଦୌଡି ନୟାନ୍ତ ହେଲେ ମଧ୍ୟ କେହି ବି ଅଭିଯୋଗ ଶୁଣିନାହାଁନ୍ତି । ତେଣୁ ଜୁନ ୧ରେ ଅନୁଷ୍ଠିତ ହେବାକୁ ଥିବା ଭୋଟଦାନ ପ୍ରକ୍ରିୟାରୁ ବିରତ ରହିବାକୁ ପିହୁର ମା କହିିଛନ୍ତି । ଏନେଇ ସେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ, ଯାଜପୁର ଜିଲ୍ଲାପାଳ ଓ ସ୍ଥାନୀୟ ତହସିଲଦାରଙ୍କୁ ଇମେଲ ଜରିଆରେ ଅବଗତ କରାଇଥିବା କହିଛନ୍ତି ।