ବାରମ୍ବାର ବାରଣ ସ୍ୱତ୍ୱେ ଚେତୁ ନାହାନ୍ତି ଲୋକେ । ଜରିମାନା ପରେ ଗଂଜାମ ପୋଲସରାରେ ହେଉଛି ଭୋଜି ଆୟୋଜନ
କନକ ବ୍ୟୁରୋ: ଆଉ କେତେ କଷ୍ଟ ହେଲେ ଲୋକେ ବୁଝିବେ । ମହାମାରୀ ଆଉ କେତେ ମୁଣ୍ଡ ନେଲେ ଗଂଜାମରେ ଲୋକେ ସଚେତନ ହେବେ । ପ୍ରଶାସନ ପକ୍ଷରୁ ବାରମ୍ବାର ଭୋଜି ବନ୍ଦ କରାଯାଉଥିଲେ ବି ଲୋକେ ଚେତୁ ନାହାନ୍ତି । ଆଜି ପୁଣି ଏକ ଭୋଜିକୁ ବନ୍ଦ କରିଛି ପ୍ରଶାସନ । ଗଞ୍ଜାମ ଜିଲ୍ଲା ପୋଲସରା ଅନ୍ତର୍ଗତ ତେନ୍ତୁଳିଆରେ ଚଲିଥିବା ଭୋଜିକୁ ବନ୍ଦ କରିଛି ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ କରୋନା ସମୟରେ ବାପା ଚାଲିଯାଇ ଥିବା ବେଳେ ଆଜି ଶ୍ରାଧବାର୍ଷକ ଥିବାରୁ ଭୋଜିର ଆୟୋଜନ ହୋଇଥିଲା । ଭୋଜି ରୋଷେଇ ଚାଲିଥିବା ବେଳେ ପୋଲସରା ତହସିଲଦାର ଦିଲ୍ଲିପ କୁମାର ନାୟକ , ଥାନା ଅଧିକାରି ଘଟଣାସ୍ଥଳରେ ପହଂଚି ରୋଷେଇ ବନ୍ଦ କରିବା ସହ ରୋଷେଇ ହୋଇଥିବା ଖାଦ୍ୟକୁ ବାଂଟି ଦେବା ପାଈଁ କହିଥିଲେ । ଆମାନିଆ ହୋଇ ଭୋଜି ଆୟୋଜନ କରି କରୋନା କଟକଣା ଭାଙ୍ଗିଥିବାରୁ ଜରିମନା ଆଦାୟ କରାଯାଇଛି ।