ଯୁବକଙ୍କ ଆତଙ୍କରାଜ ! କମେଣ୍ଟ ମାରିଲେ, ଛୁରୀରେ ହାଣିଲେ ।
ଯୁବତୀଙ୍କୁ କମେଣ୍ଟ ମାରିଲେ, ପ୍ରତିବାଦ କରିବାରୁ ଗୋଡାଇ ଗୋଡାଇ ଛୁରୀରେ ହାଣିଲେ ଯୁବକ । ଅଭିଯୁକ୍ତ ଯୁବକଙ୍କ ନାଁରେ ପୂର୍ବରୁ ମଧ୍ୟ ଥାନାରେ ମାମଲା ରହିଛି । ବାଲେଶ୍ୱରର ସୋରର କାଉଁଦିପାଟଣାରେ ଯୁବତୀ ଜଣକ ରାସ୍ତାରେ ଯାଉଥିବା ବେଳେ ବୁଲୁ ସେଠୀ ନାମକ ଏକ ଯୁବକ ଅଶ୍ଳୀଳ ଭାଷାରେ କମେଣ୍ଟ ମାରିଥିଲା । ଏନେଇ ଯୁବତୀ ଜଣଙ୍କ ଘର ଲୋକଙ୍କ ଆଗରେ କହିବା ପରେ ଯୁବକଙ୍କୁ ଏନେଇ ପଚରାଉଚରା କରିଥିଲେ ଯୁବତୀଙ୍କ ବାପା ।
କନକ ବ୍ୟୁରୋ : କମେଣ୍ଟ ମାରିଲେ, ଛୁରୀରେ ହାଣିଲେ । ଜଣେ କି ଦୁଇ ଜଣ ନୁହେଁ ୧୦ ଜଣଙ୍କୁ ଛୁରୀରେ ଆକ୍ରମଣ କଲେ ଯୁବକ । ଆଉ ଏହା ପଛର କାରଣ ଅନ୍ୟ କିଛି ନୁହେଁ ବରଂ କମେଣ୍ଟମରା । ବାଲେଶ୍ୱରର ସୋରରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବାଲେଶ୍ୱରର ସୋରର କାଉଁଦିପାଟଣାରେ ଯୁବତୀ ଜଣକ ରାସ୍ତାରେ ଯାଉଥିବା ବେଳେ ବୁଲୁ ସେଠୀ ନାମକ ଏକ ଯୁବକ ଅଶ୍ଳୀଳ ଭାଷାରେ କମେଣ୍ଟ ମାରିଥିଲା । ଏନେଇ ଯୁବତୀ ଜଣଙ୍କ ଘର ଲୋକଙ୍କ ଆଗରେ କହିବା ପରେ ଯୁବକଙ୍କୁ ଏନେଇ ପଚରାଉଚରା କରିଥିଲେ ଯୁବତୀଙ୍କ ବାପା । ତେବେ ଏହି ପଚରାଉଚରା ସମୟରେ ଅଭିଯୁକ୍ତ ବୁଲୁ କମେଣ୍ଟ ମାରିଲି କଣ ହେଲା ବୋଲି କହି ଯୁବତୀଙ୍କ ବାପାଙ୍କୁ ଛୁରୀରେ ଆକ୍ରମଣ କରିଥିଲା ।
ଏପରିକି ଯୁବତୀଙ୍କ ବାପାଙ୍କୁ ବଞ୍ଚାଇବାକୁ ଗ୍ରାମବାସୀ ଯାଇଥିବା ବେଳେ ତାଙ୍କୁ ମଧ୍ୟ ଛାଡି ନଥିଲା ଅଭିଯୁକ୍ତ ବୁଲୁ । ଛୁରୀରେ ଗୋଡାଇ ଗୋଡାଇ ଗ୍ରାମବାସୀଙ୍କୁ ଆକ୍ରମଣ କରିଥିଲା । ଫଳରେ ୧୦ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି । ଆହତ ମାନଙ୍କୁ ପ୍ରଥମେ ସୋର ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ପରେ ବାଲେଶ୍ୱର ସ୍ଥାନାନ୍ତରିତ କରାଯାଇଛି । ତେବେ ଆକ୍ରମଣ କରିବା ପରେ ଅଭିଯୁକ୍ତ ବୁଲୁ ସେଠୀ ଫେରାର ହୋଇଯାଇଥିବା ବେଳେ ଥାନାରେ ଏନେଇ ମାମଲା ରୁଜୁ ହୋଇଛି । ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଥିବା ବେଳେ ଛୁରୀ ଜବତ କରିଛି ।