ନୂଅ ସଂସଦ ଭବନ ପହଂଚିବା ପରେ ରାଜନୀତିରେ ପ୍ରବେଶ କରିବାକୁ ଇଶା ଗୁପ୍ତା କଲେ ଘୋଷଣା । କହିଲେ, ଏବେ ମୁଁ ନିଶ୍ଚିତ ନିର୍ବାଚନ ଲଢିବି
କନକ ବ୍ୟୁରୋ : କେନ୍ଦ୍ର ମନ୍ତ୍ରୀମଣ୍ଡଳ ତରଫରୁ ଗତ ସୋମବାର ଦିନ ହୋଇଥିବା ବୈଠକରେ ମହିଳା ସଂରକ୍ଷଣ ବିଲକୁ ମଞ୍ଜୁରୀ ପ୍ରଦାନ କରାଯାଇଛି । ଏହାପରେ ଅଭିନେତ୍ରୀ ଇଶା ଗୁପ୍ତା ନୂଆ ସଂସଦ ଭବନ ପହଂଚିଥିଲେ । ସେଠାରେ ସେ ରାଜନୀତିରେ ପ୍ରବେଶ କରିବା ସହ ଆଗାମୀ ନିର୍ବାଚନ ଲଢିବାକୁ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଲିଉଡରେ ଅନେକ ସୁନ୍ଦର ସିନେମାରେ ଅଭିନୟ କରିଥିବା ଇଶା ଗୁପ୍ତା ଏବେ ଏବେ ନୂଆ ସଂସଦ ଭବନ ପହଂଚିଥିଲେ । ସଂସଦରେ ମହିଳା ସଂରକ୍ଷଣ ବିଲକୁ ମଞ୍ଜୁରୀ ମିଳିବା ପରେ ସେ ମନର କଥା କହିଛନ୍ତି । ସେ କହିଛନ୍ତି କି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହିଳା ସଶକ୍ତିକରଣକୁ ନେଇ ବହୁତ ଭଲ କାମ କରିଛନ୍ତି । ଏହା ଦେଶର ମହିଳାମାନଙ୍କ ପାଇଁ ଏକ ବଡ ପଦକ୍ଷେପ । ଏହି ବିଲ୍ ମହିଳାମାନଙ୍କ ଭିତରେ ନୂଆ ଉତ୍ସାହ ଭରିଦେବ ଓ ସେମାନଙ୍କୁ ସମାନ ଅଧିକାର ଦେବାରେ ସହାୟକ ହେବ ।
ଏହି କ୍ରମରେ ଗଣମାଧ୍ୟମର ପ୍ରତିନିଧୀମାନେ ତାଙ୍କୁ ଅଗାମୀ ନିର୍ବାଚନ ଲଢିବେ କି ବୋଲି ପ୍ରଶ୍ନ କରିଥିଲେ । ଏହାର ଉତ୍ତରରେ ସେ କହିଛନ୍ତି କି, ନିଶ୍ଚିତ ଭାବେ ଆଗାମୀ ନିର୍ବାଚନ ଲଢିବି । ହେଲେ ଦେଖିବାକୁ ବାକି ରହିଲା କି ଏହି ଅଭିନେତ୍ରୀ କେବେ ଓ କେଉଁ ଆସନରୁ ନିର୍ବାଚନ ଲଢିବେ ।
ସୂଚନା ଥାଉକି ଇଶା ଗୁପ୍ତା ଏବେ ତାଙ୍କ ନୂଆ ଗୀତକୁ ନେଇ ଚର୍ଚ୍ଚାରେ ଅଛନ୍ତି । ସେ ବିଗ୍ ବସ୍ ଓଟିଟି-୨ ର ବିଜେତା ଏଲବିସ୍ ଯାଦବଙ୍କ ସହ ନଜର ଆସିବେ । ସେହିଭଳି ଅଭିୟନ ବ୍ୟତୀତ ସେ ସୋସିଆଲ ମିଡିଆରେ ମଧ୍ୟ ବେଶ୍ ଆକ୍ଟିଭ ରହିଛନ୍ତି ।