ଧରାପଡିଲା ଏସକର୍ଟ ସର୍ଭିସ ଠକ ଗ୍ୟାଙ୍ଗର ଲେଡି କିଙ୍ଗପିନ୍। ଭୁବନେଶ୍ୱର ନୟାପଲ୍ଲୀ ଅଞ୍ଚଳରୁ ବାନ୍ଧିଲା ସାଇବର ଥାନା ପୋଲିସ।

460

କନକ ବ୍ୟୁରୋ: ମୁହଁ ଘୋଡାଇ ଯାଉଛନ୍ତି ଯୁବତୀ । ଯୁବତୀଙ୍କ ଜଣଙ୍କ କାରନାମା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଯୁବତୀ ଜଣଙ୍କ ଏସକର୍ଟ ସର୍ଭିସ୍ ଦେବା ନାଁରେ ଭୁବନେଶ୍ୱରରେ ଚାଲିଥିବା ଠକ ର୍ୟାକେଟର ଲେଡି କିଙ୍ଗପିନ୍ । ବେଶ୍ କିଛି ଦିନ ଚକମା ଦେବା ପରେ ଏବେ, ତାଙ୍କୁ ଭୁବନେଶ୍ୱର ନୟାପଲ୍ଲୀ ଅଞ୍ଚଳରୁ ଗିରଫ କରିବାରେ ସଫଳ ହୋଇଛି ସାଇବର ଥାନା ପୋଲିସ୍।

ଏମାନେ ଗୁଗୁଲରେ ଏସକର୍ଟ ସର୍ଭିସ ନାଁରେ ଖୋଲିଥିଲେ ନକଲି ୱେବସାଇଟ୍ । ୱେବସାଇଟରେ ରହୁଥିଲା ଯୋଗାଯୋଗର ନମ୍ବର । ସେହି ନମ୍ବରକୁ କଲ କଲେ, ମିଳୁଥିଲା ଝିଅଙ୍କର ଫଟୋ । ଆଉ ଫଟୋ ଦେଖି ଝିଅ ପସନ୍ଦ କରିବା ପରେ ପ୍ରଥମେ ଦେବାକୁ ପଡୁଥିଲା ଟଙ୍କା । ତାପରେ, ସ୍ଥାନ ନିର୍ଦ୍ଧାରଣ କରି ଗ୍ରାହକଙ୍କୁ ଡାକୁଥିଲେ ଦଲାଲ । ହେଲେ, ଗ୍ରାହକ ପହଞ୍ଚିବାବେଳକୁ କେହି ରହୁନଥିଲେ । ଏନେଇ ସାଇବର ଥାନାରେ ଏକାଧିକ ଅଭିଯୋଗ ହେବା ପରେ, ଯାଞ୍ଚଆରମ୍ଭ କରିଥିଲା ପୋଲିସ ।

ପୂର୍ବରୁ ଏହି ମାମଲାରେ ୫ ଜଣଙ୍କୁ ପୁଲିସ ଗିରଫ କରିଥିଲା । ସେମାନଙ୍କ ନିକଟରୁ ୬୨ହଜାର ୫୦୦ ନଗଦ ଟଙ୍କା ଜବତ କରିବା ସହ ଲକ୍ଷାଧିକ ଟଙ୍କା ଫ୍ରିଜ କରିଥିଲା ସାଇବର ପୋଲିସ । ହେଲେ, ଲୋକଙ୍କୁ ମିଠା କଥା କହି ଏସକର୍ଟ ସର୍ଭିସ ଦେବା କହି, ଠକେଇ କରୁଥିବା ଲେଡି କିଙ୍ଗପିନଙ୍କୁ ଧରିପାରିନଥିଲା । ଆଉ ତାଙ୍କୁ ଧରିବା ପାଇଁ ଜାଲ ବିଛାଇଥିଲା ପୋଲିସ ।