ମଦ ଦୋକାନ ଖୋଲିବାକୁ ରାଜ୍ୟରେ ଉତ୍ସାହ : ୧୨ଶହ ୯୭ ମଦ ଦୋକାନ ପାଇଁ ଆବେଦନ କରିଛନ୍ତି ୧୯ ହଜାର ୪୧୬
ଗୋଟିଏ ଦୋକାନ ପାଇଁ ୧୫ ଆବେଦନକାରୀ; ଏପ୍ରିଲ ୩ ଯାଏଁ ସମୟ ଦିଆଯାଇଥିବାରୁ ଆହୁରି ବଢ଼ିପାରେ ଆବେଦନକାରୀଙ୍କ ସଂଖ୍ୟା
କନକ ବ୍ୟୁରୋ : ଭାରତ ପ୍ରସ୍ତୁତ ବିଦେଶୀ ମଦ ଏବଂ ଇଏନ୍ଏ ଦେଶୀ ମଦ ଦୋକାନ ପାଇଁ ରାଜ୍ୟ ସରକାର ଲଟେରି ବ୍ୟବସ୍ଥା ଆରମ୍ଭ କରିବା ପରେ ଏହାକୁ ନେଇ ମଦ ବ୍ୟବସାୟୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ରାଜ୍ୟର ୧୧ଶହ ୫୬ଟି ବିଦେଶୀ ମଦ ଓ ୨୪୦ଟି ଦେଶୀ ବଦ ଦୋକାନ ପାଇଁ ଲଟେରି ହେଉଥିବା ବେଳେ ଏପ୍ରିଲ ୩ ତାରିଖ ପର୍ଯ୍ୟନ୍ତ ଆବେଦନ କରିବାକୁ ସମୟ ଦିଆଯାଇଛି । ଏଥିରେ ଏବେ ସୁଦ୍ଧା ୧୯ ହଜାର ୪୧୬ଜଣ ଆବେଦନ କରିଥିବା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ଅବକାରୀ ବିଭାଗ ସ୍ୱତ୍ରରୁ ମିଳିଥିବା ସୂଚନା ଅନୁସାରେ, ଗତକାଲି ସୁଦ୍ଧା ଏକ ହଜାର ୨୯୭ ମଦ ଦୋକାନ ପାଇଁ ୧୯ ହଜାର ୪୧୬ ଜଣ ଆବେଦନ କରିଛନ୍ତି । ଗୋଟିଏ ମଦ ଦୋକାନ ପାଇଁ ପ୍ରାୟ ୧୫ଜଣ ଲେଖାଏର୍ ଆବେଦନ କରିଛନ୍ତି । ଏଥିରୁ ୧୧ଶହ ୩୨ଟି ବିଦେଶୀ ମଦ ଦୋକାନ ପାଇଁ ୧୮ଶହ ୫୩୦ଟି ଆବେଦନ ଆସିଛି । ୩୧ଟି ଅବକାରୀ ଜିଲ୍ଲାରୁ ୨୭ଟି ଜିଲ୍ଲା ପାଇଁ ଆବେଦନ ଆସିଛି । ୨୪ଟି ଦୋକାନ ପାଇଁ ଆବେଦନ ଆସିନଥିବା ବେଳେ ଶେଷ ତାରିଖ ସୁଦ୍ଧା ଏଥିରେ ବି ଆବେଦନକାରୀଙ୍କ ସଂଖ୍ୟା ବଢ଼ିବ ବୋଲି ଅବକାରୀ ବିଭାଗ ଆଶା ରଖିଛି ।