ୟୁଟ୍ୟୁବର୍ ଆଶିଷ ଚଞ୍ଚଲାନିଙ୍କ ସହ ବଲିଉଡ୍ ଅଭିନେତ୍ରୀଙ୍କ ଫଟୋ ଭାଇରାଲ୍ : ଫଟୋ ପୋଷ୍ଟ୍ ପରେ ଡେଟିଂକୁ ନେଇ ବଢ଼ିଲା ଚର୍ଚ୍ଚା

କନକ ବ୍ୟୁରୋ : ୟୁଟ୍ୟୁବର ଆଶିଷ ଚଞ୍ଚଲାନି ସୋସିଆଲ ମିଡିଆରେ ଏକ ଫଟୋ ପୋଷ୍ଟ କରିଛନ୍ତି ଯେଉଁଥିରେ ସେ ବଲିଉଡ ଅଭିନେତ୍ରୀ ଏଲି ଆଭ୍ରାମଙ୍କୁ ତାଙ୍କ କୋଳରେ ଧରିଛନ୍ତି । ଏଲି ଆଭ୍ରାମ ତାଙ୍କ ହାତରେ ଏକ ଫୁଲ ଧରିଛନ୍ତି ଏବଂ ଦୁହେଁ ହସୁଛନ୍ତି । ଫଟୋ ସେୟାର କରି ଆଶିଷ ଚଞ୍ଚଲାନି କ୍ୟାପସନରେ 'ଶେଷରେ' ବୋଲି ଲେଖିଛନ୍ତି । ଫଟୋ ଦେଖିବା ପରେ ଲୋକମାନେ ଅନୁମାନ କରିବା ଆରମ୍ଭ କରିଛନ୍ତି ଯେ ଉଭୟ ପରସ୍ପରକୁ ଡେଟ୍ କରୁଛନ୍ତି । ଆଶିଷ ଚଞ୍ଚଲାନିଙ୍କ ପୋଷ୍ଟରୁ ଜଣାପଡୁଛି ଯେ ଦୁହେଁ ଶେଷରେ ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ ହୃଦୟସ୍ପର୍ଶୀ ଉପାୟରେ ସେମାନଙ୍କର ସମ୍ପର୍କକୁ ଅଫିସିଆଲ କରିଛନ୍ତି । ତଥାପି ଆଶିଷ ଏଲିଙ୍କ ସହ ତାଙ୍କ ସମ୍ପର୍କକୁ ନିଶ୍ଚିତ କରୁଥିବାର ଉଲ୍ଲେଖ କରିନାହାନ୍ତି । ହୁଏତ ସେମାନେ ଏକ ଫିଲ୍ମରେ ଏକାଠି କାମ କରିବାକୁ ଯାଉଛନ୍ତି । ହେଲେ ତାଙ୍କ ଫଟୋରେ ସମସ୍ତେ ତାଙ୍କୁ ଅଭିନନ୍ଦନ ଜଣାଇବା ଆରମ୍ଭ କରିଛନ୍ତି ।

ଆଶିଷ ଚଞ୍ଚଲାନିଙ୍କ ପୋଷ୍ଟରେ ଅନେକ ସେଲିବ୍ରିଟି ପ୍ରତିକ୍ରିୟା ଦେଇଛନ୍ତି । ଅଭିନେତା ନୀଲ ନୀତିନ୍ ମୁକେଶ ପୋଷ୍ଟରେ ଏକ ହୃଦୟ ଇମୋଜି କମେଣ୍ଟ କରିଥିବା ବେଳେ କରିସ୍ମା ଶର୍ମା ଲେଖିଛନ୍ତି 'ହେ ଭଗବାନ, ଶୁଭକାମନା ।' ଅନ୍ୟ ଜଣେ ୟୁଜର ଲେଖିଛନ୍ତି 'ଏବେ ବିଦ୍ୟୁତ୍ ବିଲ୍ ଦୁଇ ଜଣଙ୍କ ମଧ୍ୟରେ ବାଣ୍ଟି ଦିଆଯିବ ।' ଆଶିଷ କିମ୍ବା ଏଲି ଏହି ଫଟୋର ସତ କିମ୍ବା ସେମାନଙ୍କ ସମ୍ପର୍କ ବିଷୟରେ ଏଯାଏଁ ସ୍ପଷ୍ଟ କରିନାହାନ୍ତି, ଯାହା ଫଳରେ ପ୍ରଶଂସକମାନେ ଏହା ସତ କି ମିଛ ଅନୁମାନ କରିବାକୁ ବାଧ୍ୟ ହୋଇଛନ୍ତି । ଚଳିତବର୍ଷ ଆରମ୍ଭରେ ଆଶିଷ ଚଞ୍ଚଲାନି ଏବଂ ଏଲି ଆଭ୍ରାମଙ୍କ ଡେଟିଂ ବିଷୟରେ ଗୁଜବ ବ୍ୟାପିଥିଲା । ତେବେ ଶେଷଥର ପାଇଁ ଅଭିନେତ୍ରୀ ଏଲି ଆଭ୍ରାମ 'ବି ହାପି' ଫିଲ୍ମରେ ନଜର ଆସିଥିଲେ । ଏହା ପୂର୍ବରୁ ସେ ୨୦୨୩ରେ 'ଗଣପଥ' ଏବଂ ୨୦୨୨ ରେ 'ଗୁଡବାଏ'ରେ ନଜର ଆସିଥିଲେ । ଆଶିଷ ଚଞ୍ଚଲାନି ଜଣେ ୟୁଟ୍ୟୁବର, ଅଭିନେତା ଓ ସୋସିଆଲ ମିଡିଆ ଇନଫ୍ଲୁଏନ୍ସର୍ ।