୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ; ମୋହନଲାଲଙ୍କୁ ଭାରତୀୟ ସିନେ ଦୁନିଆର ସର୍ବୋଚ୍ଚ ଦାଦାସାହେବ ଫାଲକେ ସମ୍ମାନ

କନକ ବ୍ୟୁରୋ : ଆଜି ୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ କରାଯାଇଛି । ନୂଆଦିଲ୍ଲୀର ବିଜ୍ଞାନ ଭବନରେ ଆୟୋଜିତ ଉତ୍ସବରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି କଳାକାରଙ୍କୁ ପୁରସ୍କାର ପ୍ରଦାନ କରିଛନ୍ତି । ଦେଶର ସର୍ବଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ଦାଦାସାହେବ ଫାଲକେ ପୁରସ୍କାର ପାଇଛନ୍ତି ପ୍ରଖ୍ୟାତ ମାଲାୟାଲାମ ଅଭିନେତା ମୋହନଲାଲ ।

ସେହିପରି ଶ୍ରେଷ୍ଠ ଅଭିନେତା ଭାବେ ଯବାନ ଫିଲ୍ମରେ ଅଭିନୟ ପାଇଁ ଶାହରୁଖ ଖାନ୍ ଏବଂ 12th ଫେଲ୍ ଫିଲ୍ମ ପାଇଁ ବିକ୍ରାନ୍ତ ମାସେ ପୁରସ୍କୃତ ହୋଇଛନ୍ତି । ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି ରାନୀ ମୁଖାର୍ଜୀ । ଫିଲ୍ମ 'ମିସେସ୍ ଚାଚାର୍ଜୀ ଭର୍ସେସ୍ ନରୱେ'ରେ ଭଲ ଅଭିନୟ ପାଇଁ ରାନୀ ମୁଖାର୍ଜୀଙ୍କୁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଛି । ଟ୍ଏଲଭେଥ୍ ପାସ୍ ଫିଲ୍ମ ଶ୍ରେଷ୍ଠ ଫିଚର ଫିଲ୍ମ ଓ କଥଲ- ଏ ଜ୍ୟାକଫ୍ରୁଟ୍ ମିଷ୍ଟ୍ରି ଫିଲ୍ମ ପାଇଛି ଶ୍ରେଷ୍ଠ ହିନ୍ଦୀ ଫିଲ୍ମ ପୁରସ୍କାର । ଦି କେରଳା ଷ୍ଟୋରୀ ଫିଲ୍ମରେ ନିର୍ଦ୍ଦେଶନା ପାଇଁ ଶ୍ରେଷ୍ଠ ନିର୍ଦ୍ଦେଶନା ଓ ଶ୍ରେଷ୍ଠ ସିନେମାଗ୍ରାଫି ପାଇଁ ପୁରସ୍କୃତ ହୋଇଛନ୍ତି ସୁଦୀପ୍ତ ସେନ। ବିଭିନ୍ନ ଭାଷାର ବହୁ ଫିଲ୍ମ ଓ ଚଳଚ୍ଚିତ୍ର ଜଗତ ସହ ବହୁ ବ୍ୟକ୍ତି ପୁରସ୍କୃତ ହୋଇଛନ୍ତି । ଓଡ଼ିଆ ଫିଲ୍ମ ପୁଷ୍କରା ଓ ସମୁଦ୍ର ଓ ସାତଭାୟାକୁ  ପୁରସ୍କାର ପ୍ରଦାନ କରାଯାଇଛି ।