ଜନତାଙ୍କଠାରୁ ଦୂରେଇ ରହିବାକୁ ରଣବୀର କପୁରଙ୍କୁ କଡା ନିର୍ଦ୍ଦେଶ ! ଜାଣନ୍ତୁ କାହିଁକି . . .
ବଲିଉଡର ମୁନ୍ନା ଭାଇ ତଥା ସଂଜୟ ଦତ୍ତଙ୍କ ଜାବନୀ ଉପରେ ଆଧାରିତ ସିନେମାଟିରେ ରଣବୀର କପୁରଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ମାତ୍ର ରଣବୀରଙ୍କୁ ଏହି ଚରିତ୍ର ବହୁତ ମହଙ୍ଗା ପଡିଛି । ସଂଜୟଙ୍କ ଚରିତ୍ରରେ ନଜର ଆସିବା ପାଇଁ ତାଙ୍କୁ କଣ ବା ନକରିବାକୁ ପଡିଛି । ଏଥିପାଇଁ ସେ ନିଜ କେଶ ବଢାଇବା ସହ ଶରୀରର ଓଜନ ମଧ୍ୟ ବଢାଇବାକୁ ପଡିଛି । ସବୁଠାରୁ ବଡ କଥା ହେଲା ସେ ନିଜର ପୁରା ହୁଲିଆ ସଂପୂର୍ଣ୍ଣ ବଦଳାଇବାରେ ମଧ୍ୟ ପଛାଇ ନାହାଁନ୍ତି । ଆଉ ଯାହା କାରଣରୁ ରଣବୀରଙ୍କୁ ନିଜ ଫ୍ୟାନ୍ସଙ୍କ ଆକ୍ରୋଶର ଶିକାର ହେବାକୁ ପଡିଛି । ତାଙ୍କ ଲୁକକୁ ନେଇ ଅନେକ ନକାରାତ୍ମକ କମେଂଟ ମଧ୍ୟ ସୋସିଆଲ ମିଡିଆରେ ଫ୍ୟାନମାନେ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ଏହି ଚରିତ୍ର ପାଇଁ ରଣବୀରଙ୍କ ସହ ଏକ ଏଭଳି ଅଘଟଣ ହେବାକୁ ଯାଉଛି ଯାହା ତାଙ୍କ ସହ କେବେ ହୋଇନଥିଲା । ଏହି ସିନେମା ପାଇଁ ରଣବୀର ଏବେ ନିଖୋଜ ହେବାକୁ ଯାଉଛନ୍ତି । ସୂଚନା ଅନୁସାରେ, ଏହି ସିନେମାର ନିର୍ଦ୍ଦେଶକ ହେଲେ ରାଜକୁମାର ହିରାନୀ । ଏବଂ ସେ ରଣବୀରଙ୍କୁ ଯେତେ କମ୍ ସଂମ୍ଭବ ହେବ ଲୋକଙ୍କ ନଜରରେ ଆସିବାକୁ କହିଛନ୍ତି । ତେବେ ଶୁଣିବାକୁ ମିଳିଛି ଏହି ସିନେମାରେ ରଣବୀରଙ୍କୁ ୬ଟି ଭିନ୍ନ ଭିନ୍ନ ଅବତାରରେ ଦେଖିବାକୁ ମିଳିବ । କିନ୍ତୁ ନିର୍ଦ୍ଦେଶକ ଚାହାଁନ୍ତି ନାହିଁ କି ସିନେମା ସହ ଜଡିତ କୌଣସି ବି ଜିନିଷ ଲୋକଙ୍କ ସାମ୍ନାକୁ ଆସୁ ବୋଲି ।