ପୁଣି ଯୌନ ନିର୍ଯାତନା ଅଭିଯୋଗ ! ଧାରାବାହିକ ‘କେସି ୟେ ୟାରିୟା’ର ନାୟକଙ୍କ ବିରୋଧରେ ମଡେଲ ଆଣିଲେ ଏଭଳି ଆରୋପ
ନିକଟରେ ବହୁ ଚର୍ଚ୍ଚିତ ଟିଭି ଧାରାବାହିକ ‘ଭାବିଜୀ ଘରପର୍ ହୈ÷’ ର ନାୟିକା ଶିଳ୍ପା ସିନ୍ଦେ ନିଜ ଶୋ’ର ପ୍ରଯୋଜିକାଙ୍କ ସ୍ୱାମୀଙ୍କ ବିରୋଧରେ ଯୌନ ନିର୍ଯାତନାର ଅଭିଯୋଗ ଆଣିଥିବା ଖବର ମିଳିବା ପରେ ଏବେ ପୁଣି ଏଭଳି ଏକ ମାମଲା ସାମ୍ନାକୁ ଆସିଛି । ତେବେ ଏହା ଜଣେ ଅଭିନେତାଙ୍କ ବିରୋଧରେ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଟେଲିଭିଜନ ଧାରାବାହିକ ‘କେସି ୟେ ୟାରିୟା’ ଜରିଆରେ ଲୋକପ୍ରିୟତା ହାସଲ କରିଥିବା ଅଭିନେତା ପାର୍ଥ ସମଥାନଙ୍କ ଉପରେ ଜଣେ ମଡେଲ ଯୌନ ନିର୍ଯାତନା ପରି ଏଭଳି ଏକ ସଂଗୀନ ଅଭିଯୋଗ ଆଣିଛନ୍ତି । ତେବେ ପୁଲିସ ଏନେଇ ଏକ ଏଫଆଇଆର ମଧ୍ୟ ଦାଖଲ କରି ମାମଲାର ଛାନ୍ ଭିନ୍ ଆରମ୍ଭ କରିଦେଇଛି ।
ସୂଚନା ମୁତାବକ, ମୁମ୍ବାଇର ବାଂଗୁର ନଗର ପୁଲିସ ଷ୍ଟେସନରେ ଜଣେ ୨୦ ବର୍ଷୀୟ ମଡେଲ ସୁସ୍ମିତା ଚକ୍ରବର୍ତ୍ତୀ ଶନିବାର ଦିନ ଏକ ଲିଖିତ ଅଭିଯୋଗ କରିଛନ୍ତି ।
ସେ ଅଭିଯୋଗ କରିଛନ୍ତି କି ପାର୍ଥ ତାଙ୍କୁ ଖରାପ ଦୃଷ୍ଟିରେ ଦେଖିବା ସହ ତାଙ୍କ ସହ ଅସଦାଚରଣ କରିଛନ୍ତି । ତେବେ ପାର୍ଥ କୌଣସି କାରଣରୁ ବାହାରକୁ ଯାଇଥିଲେ ଏବଂ ଦୁଇ ଦିନ ହେଲା ସେ ମୁମ୍ବାଇ ଫେରିଛନ୍ତି । ମାତ୍ର ପୁଲିସ ଏପର୍ଯ୍ୟନ୍ତ ତାଙ୍କୁ ଗିରଫ କରିନାହିଁ । କିନ୍ତୁ ଥାନାକୁ ଡାକି ପଚରା ଉଚରା କରିଛନ୍ତି । ତେବେ ଏଠାରେ ଆମେ କହି ରଖୁଛୁ କି, ଏଭଳି ଅଭିଯୋଗ ପାର୍ଥଙ୍କ ନାଁରେ ପ୍ରଥମ ଥର ଆସିନାହିଁ ପୂର୍ବରୁ ମଧ୍ୟ ତାଙ୍କ ନାଁ ବହୁ ବିବାଦରେ ଯୋଡି ହୋଇ ସାରିଛି ।